മാഞ്ചസ്റ്റര്‍ സെന്റ് മേരീസ് ക്നാനായ കാത്തലിക് മിഷനില്‍ ഇടവക മധ്യസ്ഥയായ പരിശുദ്ധ അമലോത്ഭവ മാതാവിന്റെ തിരുനാള്‍ ശനിയാഴ്ച ഭക്തിപൂര്‍വ്വം ആഘോഷിക്കും. തിരുന്നാളിന് ഒരുക്കമായി സെപ്റ്റംബര്‍ 29 മുതല്‍ മിഷനിലെ വിവിധ കൂടാരയോഗങ്ങളുടെ നേതൃത്വത്തില്‍ സെന്റ്. എലിസബത്ത് ദേവാലയത്തില്‍ വച്ച് വൈകുന്നേരം 6:30ന് വിശുദ്ധ കുര്‍ബാനയും ജപമാലയും ദിവ്യകാരുണ്യ ആരാധനയും നടന്നു വരികയാണ്. ഈമാസം ഏഴു വരെ ഇത് തുടരുന്നതാണ്.

പ്രധാന തിരുനാള്‍ ദിവസമായ എട്ടിന് സെന്റ് ഹില്‍ഡാസ് ദേവാലയത്തില്‍ വച്ച് രാവിലെ 10 മണിക്ക് തിരുനാള്‍ കൊടിയേറ്റം നടക്കും. തുടര്‍ന്ന് 10.30 മണിക്ക് ആഘോഷമായ തിരുനാള്‍ റാസകുര്‍ബാനയും സ്നേഹവിരുന്നും നടത്തപ്പെടും. തിരുനാള്‍ കുര്‍ബാനയില്‍ ഫാ. മാത്യു വലിയ പുത്തന്‍പുരയില്‍ മുഖ്യ കാര്‍മ്മികത്വം വഹിക്കും. ഫാ. ജോഷി കൂട്ടുങ്കല്‍ തിരുനാള്‍ സന്ദേശം നല്‍കും. റാസ കുര്‍ബാനക്ക് ശേഷം ലദീഞ്ഞും തുടര്‍ന്ന് പ്രദക്ഷിണവും സ്‌നേഹവിരുന്നും ഉണ്ടായിരിക്കുന്നതാണ്.

തിരുനാളില്‍ പങ്കെടുത്ത് അനുഗ്രഹങ്ങള്‍ പ്രാപിക്കുവാന്‍ എല്ലാവരെയും ക്ഷണിക്കുന്നതായി തിരുന്നാള്‍ കമ്മിറ്റിക്കു വേണ്ടി ഗ്രേറ്റ് ബ്രിട്ടന്‍ രൂപതാ വികാരി ജനറാളും മിഷന്‍ ഡയറക്ടറുമായ മോണ്‍സിഞ്ഞോര്‍ ഫാ. സജി മലയില്‍ പുത്തന്‍പുരയില്‍, ജനറല്‍ കണ്‍വീനര്‍ സിറിയക് ജെയിംസ് (ബാബു) ട്രസ്റ്റിമാരായ ഷൈജു ചാക്കോ മുടക്കോടിയില്‍, സജി തോമസ് മന്നാട്ടുപറമ്പില്‍, ആര്‍സന്‍ സ്റ്റീഫന്‍ മുപ്രപ്പള്ളില്‍ എന്നിവര്‍ അറിയിച്ചു.

തിരുന്നാള്‍ തിരുകര്‍മ്മങ്ങള്‍ നടക്കുന്ന ദേവാലയത്തിന്റെ വിലാസം

St. Hildas Church, 66 Kenworthy La, Northenden, Manchester, M22 4EF

സാധാരണ ദിവസങ്ങളിലെ തിരുകര്‍മ്മങ്ങള്‍ നടക്കുന്ന ദേവാലയത്തിന്റെ വിലാസം

St. Elizabeth Church, 48 Lomond Rd, Wythenshawe, Manchester, M22 5JD