ലണ്ടന്‍: യുകെയിലെ ബജറ്റിന് ഒരു ദിവസം ബാക്കി നില്‍ക്കെ ചാന്‍സലര്‍ റെയ്ച്ചല്‍ റീവ്സ് നികുതി വര്‍ധനയ്ക്ക് തയ്യാറെടുക്കുന്നുവെന്ന സൂചനകളാണ് പുറത്തുവരുന്നത്. പ്രതിവര്‍ഷം 15 ബില്യണ്‍ പൗണ്ടിന്റെ അധിക വരുമാനം ലക്ഷ്യമിട്ടാണ് നടപടികള്‍.

പ്രധാന നിര്‍ദ്ദേശങ്ങള്‍

- ബാന്‍ഡ് എഫ്, ജി, എച്ച് വീടുകള്‍ക്ക് കൗണ്‍സില്‍ ടാക്‌സ് പുനര്‍നിര്‍ണ്ണയം.

- 20 ലക്ഷം പൗണ്ടിലധികം വിലയുള്ള വീടുകള്‍ക്ക് മാന്‍ഷന്‍ ടാക്‌സ് എന്ന പേരില്‍ അധിക നികുതി.

- ടാക്‌സ് തെര്‍ഷ്ഹോള്‍ഡ് മരവിപ്പിക്കല്‍ ഇനിയും രണ്ട് വര്‍ഷം കൂടി നീട്ടാന്‍ സാധ്യത.

- ഇതിലൂടെ ലക്ഷക്കണക്കിന് ആളുകള്‍ പുതിയതായി വരുമാന നികുതി പരിധിക്കുള്ളില്‍ വരും.

സാമ്പത്തിക ബാധ്യത

- മാന്‍ഷന്‍ ടാക്‌സ് നിലവില്‍ വന്നാല്‍ ഒരു ലക്ഷത്തിലധികം വീട്ടുടമകള്‍ക്ക് ബാധ്യത.

- 2000 പൗണ്ട് വരെ അധിക നികുതി നല്‍കേണ്ടിവരുമെന്നാണ് കണക്കാക്കുന്നത്.

- ബാന്‍ഡ് എഫ് കൗണ്‍സില്‍ ടാക്‌സില്‍ പെടുന്ന 1.3 മില്ല്യണ്‍ മധ്യവര്‍ഗ്ഗ കുടുംബങ്ങള്‍ക്കും ബാധ്യത.

- ലണ്ടന്‍, സൗത്ത് ഈസ്റ്റ് മേഖലകളിലെ വീടുകള്‍ക്ക് മൂല്യം കൂടുതലായതിനാല്‍ അധിക സര്‍ചാര്‍ജ്ജ് നല്‍കേണ്ടിവരും.

പ്രദേശവാര്ിയായ ബാധ്യത

- തെക്ക് കിഴക്കന്‍ ഇംഗ്ലണ്ടില്‍ 6,45,000 വീടുകള്‍ മുകളിലെ ബാന്‍ഡുകളില്‍ ഉള്‍പ്പെടുന്നു.

- വടക്ക് കിഴക്കന്‍ ഇംഗ്ലണ്ടില്‍ 43,000 വീടുകള്‍ മാത്രമാണ് ഈ വിഭാഗത്തില്‍.

- ബക്കിംഗ്ഹാംഷയര്‍, കെന്‍സിംഗ്ടണ്‍, ചെല്‍സി എന്നിവിടങ്ങളിലാണ് ഏറ്റവും കൂടുതല്‍ ബാധിക്കുക.

- ബേണ്‍ലി, ബോസ്റ്റണ്‍ മേഖലകളില്‍ ബാധ്യത കുറവായിരിക്കും.

പെന്‍ഷന്‍ ആശങ്ക

- ഇന്‍കം ടാക്‌സ് പരിധികള്‍ മരവിപ്പിച്ചാല്‍ 9.3 മില്ല്യണ്‍ പെന്‍ഷന്‍കാര്‍ അധിക നികുതി നല്‍കേണ്ടിവരും.

- 2030 വരെ മരവിപ്പിക്കല്‍ നീട്ടാന്‍ സാധ്യത.

- വരുമാനം വര്‍ധിക്കുമ്പോള്‍ പെന്‍ഷന്‍ വാങ്ങുന്നവര്‍ പോലും നികുതി ബാന്‍ഡുകളില്‍ ഉള്‍പ്പെടാന്‍ സാധ്യത.

ഇംഗ്ലണ്ടിലെ പത്തിലൊന്ന് വീടുകളെ ബാധിക്കുന്ന തരത്തിലുള്ള നികുതി വര്‍ധന പ്രഖ്യാപനങ്ങളാണ് പ്രതീക്ഷിക്കുന്നത്. പെന്‍ഷന്‍ ട്രിപ്പിള്‍ ലോക്ക് നിലനിര്‍ത്തും എന്ന സൂചന നല്‍കിയിട്ടുണ്ടെങ്കിലും, ഇടത്തരക്കാരെയും പെന്‍ഷന്‍ക്കാരെയും ബാധിക്കുന്ന നടപടികളാണ് ചര്‍ച്ചയിലുളളത്.