ക്രിസ്മസിനു മുമ്പ് അഞ്ചുദിവസത്തെ പണിമുടക്കിന് ഇംഗ്ലണ്ടിലെ ജൂനിയര്‍ ഡോക്ടര്‍മാര്‍ വീണ്ടും നോട്ടിസ് നല്‍കി. ഡിസംബര്‍ 17 മുതല്‍ ആരംഭിക്കുന്ന ഈ സമരം, 2023ന് ശേഷം ഡോക്ടര്‍മാര്‍ നടത്തുന്ന പതിനാലാമത്തെ വാക്കൗട്ട് ആയിരിക്കും.

- സമരത്തിന്റെ പശ്ചാത്തലം

- ശമ്പള വര്‍ധന ആവശ്യപ്പെട്ടാണ് സമരത്തിന് ഇറങ്ങുന്നത്.

- 2024ല്‍ 22 ശതമാനം വര്‍ധന ലഭിച്ചെങ്കിലും, അത് മതിയാകുന്നില്ലെന്ന നിലപാടിലാണ് ഡോക്ടര്‍മാര്‍.

- നിലവില്‍ സീനിയോരിറ്റിയും ഗ്രേഡും അനുസരിച്ച് ശമ്പളം £37,000 മുതല്‍ £70,000 വരെയാണ്.

- ഈ വര്‍ഷം ഓഗസ്റ്റില്‍ സര്‍ക്കാര്‍ പ്രഖ്യാപിച്ച 5.4 ശതമാനം വര്‍ധനയും അപര്യാപ്തമാണെന്നതാണ് യൂണിയന്റെ വാദം.

- എന്‍എച്ച്എസിന് പ്രതിസന്ധി

- കൊടും തണുപ്പും ഫ്‌ലൂ പോലുള്ള രോഗങ്ങളും കാരണം ഇതിനകം സമ്മര്‍ദത്തിലായ എന്‍എച്ച്എസിന് സമരം വലിയ ആഘാതമാകും.

- മിക്ക ആശുപത്രികളുടെയും പ്രവര്‍ത്തനം പ്രതികൂലമായി ബാധിക്കുമെന്ന് മാനേജ്‌മെന്റ് മുന്നറിയിപ്പ് നല്‍കി.

- പ്രതിസന്ധിഘട്ടത്തില്‍ ആശുപത്രികളുടെ പ്രവര്‍ത്തനം അപകടത്തിലാക്കുന്ന നടപടിയാണിതെന്ന് എന്‍എച്ച്എസ് മാനേജ്‌മെന്റ് കുറ്റപ്പെടുത്തി.

- യൂണിയന്റെ നിലപാട്

- മറ്റു മാര്‍ഗങ്ങളില്ലാത്തതിനാലാണ് സമരത്തിന് ഇറങ്ങുന്നതെന്ന് ബ്രിട്ടിഷ് മെഡിക്കല്‍ അസോസിയേഷന്‍ വ്യക്തമാക്കി.

- 22 ശതമാനം വര്‍ധനയും 5.4 ശതമാനം വര്‍ധനയും ചേര്‍ത്താലും 2008ലെ ശമ്പളമൂല്യം ഇപ്പോഴും ലഭ്യമല്ലെന്നതാണ് അസോസിയേഷന്റെ വാദം.

- ഇതാണ് സമരത്തിന് പിന്നിലെ പ്രധാന കാരണം