പ്രതിരോധ ചെലവ് ഗണ്യമായി വര്ദ്ധിപ്പിക്കാനുള്ള പ്രധാനമന്ത്രി കെയര് സ്റ്റാര്മറിന്റെ പദ്ധതി നടപ്പിലാക്കുന്നതില് ബ്രിട്ടണ് പരാജയപ്പെട്ടാല് ബ്രിട്ടീഷ് ജനത റഷ്യന് ഭാഷ സംസാരിക്കാന് പഠിക്കേണ്ടിവരുമെന്ന് നാറ്റോ സെക്രട്ടറി ജനറല് മാര്ക്ക് റുട്ടെയുടെ മുന്നറിയിപ്പ്. കഴിഞ്ഞ ആഴ്ച, സ്റ്റാര്മര് തന്റെ മന്ത്രിസഭയുടെ സ്ട്രാറ്റജിക് ഡിഫന്സ് റിവ്യൂ പുറത്തിറക്കി, ബ്രിട്ടണെ 'ഏറ്റവും ശക്തമായ സഖ്യങ്ങളും ഏറ്റവും നൂതനമായ കഴിവുകളുമുള്ള ഒരു യുദ്ധസജ്ജവും കവചം ധരിച്ചതുമായ രാഷ്ട്രമാക്കി മാറ്റുന്നതിന്' ആയുധ ഫാക്ടറികള്, ഡ്രോണുകള്, അന്തര്വാഹിനികള് എന്നിവയില് കോടിക്കണക്കിന് ഡോളര് നിക്ഷേപിക്കുമെന്ന് വാഗ്ദാനം ചെയ്തു.
ബ്രിട്ടണിന്റെ നയം എല്ലായ്പ്പോഴും നാറ്റോ ഒന്നാമതായിരിക്കണമെന്നാണെന്നും എന്ന് അദ്ദേഹം പറഞ്ഞു. അടുത്ത അഞ്ച് വര്ഷത്തിനുള്ളില് നാറ്റോ രാജ്യങ്ങളെ ലക്ഷ്യമിടാന് റഷ്യയ്ക്ക് തയ്യാറാകാന് കഴിയുമെന്ന തന്റെ അവകാശവാദം റുട്ടെ ആവര്ത്തിച്ചു.പുതിയ തലമുറ റഷ്യന് മിസൈലുകള് ശബ്ദത്തിന്റെ പലമടങ്ങ് വേഗതയില് സഞ്ചരിക്കുന്നു. യൂറോപ്യന് തലസ്ഥാനങ്ങള് തമ്മിലുള്ള ദൂരം മിനിറ്റുകള് മാത്രമാണെന്നും റുട്ടെ പറഞ്ഞു. എന്നാല്, നാറ്റോ രാജ്യങ്ങള്ക്കെതിരെ റഷ്യയുടെ ആക്രമണാത്മക ഉദ്ദേശ്യങ്ങളുണ്ടെന്ന ആരോപണങ്ങള് റഷ്യന് പ്രസിഡന്റ് വ്ളാഡിമിര് പുടിന് തള്ളി. അതേസമയം, യുക്രെയ്ന് സംഘര്ഷത്തില് ബ്രിട്ടന്റെ ഇടപെടലിനെ റഷ്യ കൂടുതല് വിമര്ശിച്ചുവരികയാണ്. റഷ്യന് പ്രദേശത്തിനുള്ളില് ഭീകരാക്രമണങ്ങള് നടത്താന് യുക്രെയ്നെ ബ്രിട്ടണ് '100%' സഹായിക്കുന്നുണ്ടെന്ന് റഷ്യന് വിദേശകാര്യ മന്ത്രി സെര്ജി ലാവ്റോവ് പറഞ്ഞു.
