റോച്ച്ഡെയില്: ട്വീഡേല് സ്ട്രീറ്റിലെ വീട്ടില് യുവതിയെ മരിച്ച നിലയില് കണ്ടെത്തിയ സംഭവത്തില് പ്രതി പിടിയില്. കീലി ആസ്പിനാല് എന്ന 44 വയസ്സുകാരിയെ കൊലപ്പെടുത്തിയ കേസിലാണ് 30 വയസ്സുകാരനായ യുവാവിനെ ഗ്രേറ്റര് മാഞ്ചസ്റ്റര് പൊലീസ് അറസ്റ്റ് ചെയ്തത്.
തിങ്കളാഴ്ച വൈകിട്ട് പ്രാദേശിക സമയം ഏകദേശം 4 മണിയോടെയാണ് വീട്ടിനുള്ളില് കീലി ആസ്പിനാലിന്റെ മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് അന്വേഷണം തുടരുകയാണെന്ന് പൊലീസ് അറിയിച്ചു. കൃത്യത്തെക്കുറിച്ച് കൂടുതല് വിവരങ്ങള് ശേഖരിക്കുന്നതിനായി അന്വേഷണസംഘം പ്രദേശവാസികളോടും പൊതുജനങ്ങളോടും സഹകരണം അഭ്യര്ത്ഥിച്ചിട്ടുണ്ട്. സംഭവവുമായി ബന്ധപ്പെട്ട് എന്തെങ്കിലും വിവരം ലഭിക്കുന്നവര് ഉടന് പൊലീസിനെ അറിയിക്കണമെന്നും അധികൃതര് ആവശ്യപ്പെട്ടു.
