|
ലണ്ടന് : ഫാമിലി വിസിറ്റ് വിസ അപേക്ഷ നിരസിക്കപ്പെട്ടാല് അപ്പീല് നല്കുന്നതിനുള്ള കര്ക്കശ നിയന്ത്രണങ്ങള് ബ്രിട്ടീഷ് സര്ക്കാര് പാര്ലമെന്റില് അവതരിപ്പിച്ചു. അപ്പീല് നല്കാന് അവകാശമുള്ളത് ആര്ക്കൊക്കെയെന്ന് ഇതില് വ്യവസ്ഥ ചെയ്യുന്നുണ്ട് .
ജൂലൈ ഒമ്പതിന് നിയന്ത്രണങ്ങള് പ്രാബല്യത്തില് വന്നു. വിസിറ്ററായി യുകെയിലെത്താന് അര്ഹതയുള്ളവരുടെ കാര്യത്തില് മാനദണ്ഡങ്ങള് മാറ്റിയിട്ടില്ല.
സെറ്റില്ഡ് , റഫ്യൂജി, അല്ലെങ്കില് ഹ്യുമാനിറ്റേറിയന് പ്രൊട്ടക്ഷന് സ്റ്റാറ്റസ് ഇല്ലാത്ത അങ്കിള്, ആന്റി, നെവ്യു, നീസ്, ഫസ്റ്റ് കസിന് എന്നിവരെ സന്ദര്ശിക്കാന് ഫാമിലി വിസിറ്റ് വിസ അനുവദിക്കില്ല. മനുഷ്യാവകാശത്തിന് അനുകൂലവും, വര്ണ വിവേചനത്തിന് എതിരുമായ ചില വ്യവസ്ഥകള് അനുസരിച്ച് പരിമിതമായ അനുമതി മാത്രം തുടര്ന്നു നല്കും. |
