ലണ്ടന്: യൂറോപ്പിനു പുറത്തുള്ള ചില രാജ്യങ്ങളില്നിന്നുള്ളവര്ക്ക് യുകെയിലേക്കു കുടിയേറാന് ബോണ്ടും എന്ട്രി ഫീസും നിര്ബന്ധമാക്കാന് സര്ക്കാര് ആലോചിക്കുന്നു. രാജ്യത്തെ പൗരന്മാര്ക്ക് ഇവര് ഭാരമാകാതിരിക്കുകയും, വിസ കാലാവധി കഴിയുമ്പോള് രാജ്യം വിടുകയും ചെയ്യുന്നു എന്ന് ഉറപ്പാക്കാനാണ് ഈ നീക്കം.
എന്നാല്, തിരിച്ചുകിട്ടുന്ന തരത്തിലാണ് ഫീസ് സമ്പ്രദായം ആലോചിക്കുന്നത്. രാജ്യത്തെ പൊതു സംവിധാനങ്ങളോ സൗജന്യ സേവനങ്ങളോ ഉപയോഗിക്കാതിരുന്നാല് മാത്രമായിരിക്കും തിരിച്ചു നല്കുക. എന്നാല്, രാജ്യം വിട്ട് മടങ്ങുമ്പോള് മാത്രമേ തിരിച്ചുകിട്ടൂ.
പുതുതായി വരുന്നവര്ക്കു മാത്രമല്ല, ഇപ്പോള് യുകെയില് കഴിയുന്ന വിദേശികള്ക്കും ഈ നിബന്ധ ബാധകമാക്കണമെന്നാണ് നിര്ദേശം. പദ്ധതിയുടെ വിശദാംശങ്ങള് ഹോം സെക്രട്ടറി തെരേസ മേ പ്രഖ്യാപിക്കും.
