ഏപ്രില്‍ ഒന്നിന് സകല ബില്ലുകളും കൂടുന്നതിനിടെ നേരിയ ആശ്വാസമായി മിനിമം വേജ് വര്‍ദ്ധന. ഏപ്രില്‍ 1 മുതല്‍ നാഷണല്‍ ലിവിംഗ് വേജ് മണിക്കൂറിന് 50 പെന്‍സാണ് വര്‍ദ്ധിക്കുന്നത്. ഇതോടെ 21 വയസിന് മുകളിലുള്ളവരുടെ ശമ്പളം 12.71 പൗണ്ട് ആകും. ഇതുവഴി ജോലിക്കാരുടെ ശരാശരി വരുമാനം പ്രതിവര്‍ഷം 25,397 പൗണ്ടില്‍ നിന്നും 26,437 പൗണ്ടിലേക്ക് ഉയരും.

ആഴ്ചയില്‍ 40 മണിക്കൂര്‍ ജോലി ചെയ്യുമെന്ന അനുപാതത്തില്‍ 1040 പൗണ്ടാണ് വര്‍ദ്ധന കിട്ടുക. 18 മുതല്‍ 20 വയസ്സ് വരെയുള്ളവരുടെ വര്‍ദ്ധന 8.5 ശതമാനമാണ്. മണിക്കൂറിന് 10 പൗണ്ടെന്നത് 10.85 പൗണ്ടിലേക്കാണ് വര്‍ദ്ധന.

16 മുതല്‍ 17 വയസ്സ് വരെയുള്ളവരുടെയും, അപ്രന്റീസുകളുടെയും നാഷണല്‍ മിനിമം വേജ് 6 ശതമാനമാണ് ഉയരുക. മണിക്കൂറിന് 7.55 ശതമാനത്തില്‍ നിന്നും 8 പൗണ്ടിലേക്കാണ് വര്‍ദ്ധനവ്.

2.7 മില്ല്യണ്‍ ജോലിക്കാരെ ബാധിക്കുന്ന നീക്കം ട്രഷറി നവംബറില്‍ തന്നെ പുറത്തുവിട്ടിരുന്നു. എന്നാല്‍ മിനിമം വേജും, ഉയര്‍ന്ന നാഷണല്‍ ഇന്‍ഷുറന്‍സ് കോണ്‍ട്രിബ്യൂഷനുമായി ഉയര്‍ന്ന നികുതി ബില്ലും ചേര്‍ത്ത് ബിസിനസ്സുകള്‍ക്ക് വലിയ ഭാരമാണ് സമ്മാനിച്ചതെന്ന് വിമര്‍ശനം ഉയരുന്നുണ്ട്.