ലണ്ടന്‍: ലേബര്‍ പാര്‍ട്ടി മുന്നോട്ടുവയ്ക്കുന്ന ഏകീകൃത വിപണി (സിംഗിള്‍ മാര്‍ക്കറ്റ്) ആശയത്തേക്കാള്‍ ബ്രിട്ടീഷ് വോട്ടര്‍മാര്‍ക്ക് യൂറോപ്യന്‍ യൂണിയനില്‍ തിരിച്ചുചേരലിനാണ് കൂടുതല്‍ പിന്തുണയെന്ന് പുതിയ അഭിപ്രായ സര്‍വേ വ്യക്തമാക്കുന്നു. ബ്രെക്സിറ്റ് റെഫറണ്ടം പാസ്സാക്കി ഒരു പതിറ്റാണ്ട് പൂര്‍ത്തിയായപ്പോള്‍ നടത്തിയ പഠനത്തിലാണ് വോട്ടര്‍മാരുടെ മനോഭാവം വെളിപ്പെട്ടത്.

സര്‍വേ ഫലങ്ങള്‍

എല്ലാ വിഭാഗം വോട്ടര്‍മാരിലും 53% പേര്‍ യൂറോപ്യന്‍ യൂണിയനിലേക്ക് മടങ്ങണമെന്ന ആശയത്തെ പിന്തുണച്ചു.

ലേബര്‍ പാര്‍ട്ടി വോട്ടര്‍മാരില്‍ 83%, ലിബറല്‍ ഡെമോക്രാറ്റുകളില്‍ 84%, ഗ്രീന്‍സ് വോട്ടര്‍മാരില്‍ 84% പേര്‍ തിരിച്ചുചേരലിന് പിന്തുണ നല്‍കി.

കണ്‍സര്‍വേറ്റീവ് വോട്ടര്‍മാരില്‍ 39% പേര്‍, റിഫോം യു.കെ. വോട്ടര്‍മാരില്‍ 18% പേര്‍ മാത്രമാണ് ഇതിനെ പിന്തുണച്ചത്.

നിലവിലെ ബ്രിട്ടീഷ് ഭരണകൂടത്തിന്റെ യൂറോപ്യന്‍ യൂണിയനോടുള്ള സമീപനത്തെ 61% പേര്‍ പിന്തുണച്ചെങ്കിലും, ശക്തമായി പിന്തുണച്ചത് വെറും 19% പേര്‍ മാത്രമാണ്.

രാഷ്ട്രീയ വിലയിരുത്തല്‍

ലേബര്‍ പാര്‍ട്ടിയുടെ അര്‍ദ്ധമനസ്സോടെയുള്ള സമീപനം പുരോഗമന ചിന്താഗതിക്കാരുടെ വോട്ടുകള്‍ക്കൊപ്പം, ഉറച്ച കോട്ടയെന്ന് കരുതപ്പെടുന്ന മണ്ഡലങ്ങളിലെ വോട്ടുകളും നഷ്ടപ്പെടുത്താന്‍ ഇടയാക്കിയേക്കാമെന്ന് വിദഗ്ധര്‍ ചൂണ്ടിക്കാട്ടുന്നു. ബ്രെക്സിറ്റാനന്തര പ്രശ്‌നങ്ങള്‍ വേണ്ടവിധത്തില്‍ പരിഹരിക്കപ്പെടാത്തതും, ലേബര്‍ പാര്‍ട്ടിയുടെ 'ഇവിടെയും അവിടെയും തൊടാതെയുള്ള' നയവുമാണ് ജനങ്ങളെ പുനര്‍വിചിന്തനത്തിന് പ്രേരിപ്പിച്ചതെന്ന് രാഷ്ട്രീയ നിരീക്ഷകര്‍ വിലയിരുത്തുന്നു.

ലേബര്‍ പാര്‍ട്ടിയുടെ നിലപാട്

ലേബര്‍ പാര്‍ട്ടി യൂറോപ്യന്‍ യൂണിയനിലോ വിപണിയിലോ ചേരാന്‍ ഉദ്ദേശിക്കുന്നില്ല. ഏകീകൃത വിപണിയുമായി സഹകരിച്ചു പോവുക എന്നതാണ് അവരുടെ നയം. എന്നാല്‍, വിപണിയുടെ നിയമങ്ങളും മാര്‍ഗ്ഗനിര്‍ദ്ദേശങ്ങളും രൂപീകരിക്കുന്നതില്‍ ബ്രിട്ടന് പങ്കില്ല. കാര്‍ഷിക കയറ്റുമതി വര്‍ധിപ്പിക്കുന്നതിനുള്ള തടസ്സങ്ങള്‍ നീക്കം ചെയ്യുന്നതിനായി യൂറോപ്യന്‍ വിപണിയുടെ പല നിയമങ്ങളും ബ്രിട്ടന്‍ പാലിക്കേണ്ടിവരും.