|
ആരോഗ്യവകുപ്പ് ഡയറക്ടര് ഡോ. കെ ജെ റീനയെ സ്ഥലം മാറ്റിയ സര്ക്കാര് നടപടി സ്റ്റേ ചെയ്ത് അഡ്മിനിസ്ട്രേറ്റീവ് ട്രൈബ്യൂണല്. റീന നല്കിയ ഹര്ജിയിലാണ് നടപടി. ആരോഗ്യവകുപ്പ് ഡയറക്ടറെ മാറ്റിയത് വലിയ വിവാദങ്ങള്ക്ക് വഴിവച്ചിരുന്നു. സര്ക്കാരിനോട് ആലോചിക്കാതെ ഡയറക്ടര് തീരുമാനങ്ങളെടുത്തെന്നും സിസ്റ്റത്തിനോട് സഹകരിക്കാത്തവരെയും തുരപ്പന് പണിയെടുക്കുന്നവരെയും മാറ്റുമെന്നുമായിരുന്നു ആരോഗ്യമന്ത്രി കെ മുരളീധരന് നേരത്തെ പ്രതികരിച്ചത്.
അഡ്മിനിസ്ട്രേറ്റീവ് ട്രൈബ്യൂണല് നടപടി സ്റ്റേ ചെയ്തത് ആരോ?ഗ്യവകുപ്പിനും വലിയ തിരിച്ചടിയാണ്. മാനദണ്ഡങ്ങള്ക്ക് വിരുദ്ധമായ സ്ഥലംമാറ്റത്തെ റീന എതിര്ത്തിരുന്നു. കാലാവധി അവസാനിച്ചെന്നും പകര്ച്ചവ്യാധി പടരുന്നതിനിടെ 15 ദിവസം അവധിയെടുത്തെന്നും ആരോപിച്ചാണ് ആദ്യം പുറത്താക്കിയത്. എന്നാല്, രണ്ടര ദിവസത്തെ അവധിമാത്രം ആവശ്യപ്പെട്ട് റീന അഡീഷണല് ചീഫ് സെക്രട്ടറിക്ക് അയച്ച കത്ത് പുറത്തുവന്നിരുന്നു. |
