പ്രഥമ യുകെമരങ്ങാട്ടുപള്ളി സംഗമം ജൂണ്‍ 16 ന് ബേസിംഗ്‌സ്‌റ്റോക്കില്‍ നടക്കും. കെംഷോട്ട് വില്ലേജ് ഹാളില്‍ രാവിലെ പത്തുമുതല്‍ വൈകുന്നേരം ആറുമണിവരെ എന്ന രീതിയിലാണ് പരിപാടികള്‍ ആസൂത്രണം ചെയ്തിരിക്കുന്നത്. നാടിന്റെ സ്നേഹം പങ്കുവെക്കാനും, പിറന്ന നാടിന് ഉപകാരപ്രദങ്ങളായ എന്തെങ്കിലുമൊക്കെ ഈ സ്നേഹ കൂട്ടായ്മക്ക് ചെയ്യാനാവുമോ എന്ന് കൂടിയാലോചിക്കാനും ഒക്കെയുള്ള ഒരുവേദി എന്നനിലയിലാണ് യു.കെ.യിലെ മരങ്ങാട്ടുപള്ളിക്കാര്‍ ഈ സംഗമത്തെ കാണുന്നത്.


ധാരാളം കലാപരിപാടികളും നടത്തപ്പെടും.സംഗമത്തിന് മിഴിവ് ഏകാന്‍, യുകെയിലെ പ്രസിദ്ധമായ ഗാനമേളട്രൂപ്പ് സൗണ്ട് ഓഫ് ബേസിംഗ്‌സ്‌റ്റോക്ക് ആര്‍ട്ടിസ്റ്റിന്റെ ഗാനമേളയും ഉണ്ടായിരിയ്ക്കുന്നതാണ്. പരിപാടിയിലേക്ക് എല്ലാ മരങ്ങാട്ടുപള്ളിക്കാരും എത്തിചേരണമെന്ന് സംഘാടകര്‍ അഭ്യര്‍ത്ഥിച്ചു.



പരിപാടിയെകുറിച്ചുള്ള അന്വേഷണങ്ങള്‍ക്ക് ഡാന്റോ മേച്ചേരില്‍ , ഡോര്‍സെറ്റ് (07551192309), സജി തെക്കെയില്‍ , ബേസിംഗ്‌സ്‌റ്റോക്ക് (07703299899) എന്നിവരുമായി ബന്ധപ്പെടാവുന്നതാണ്.

പരിപാടി നടക്കുന്ന ഹാളിന്റെ വിലാസം :


Kempshott Village Hall, Pack Lane, Basingstoke - RG22 5HN