മലയാളി അസോസിയേഷന്‍ ഓഫ് ദി യു.കെയുടെ ആഭിമുഖ്യത്തില്‍ ലണ്ടനില്‍ എല്ലാ വര്‍ഷവും കൊണ്ടാടാറുള്ള കേരള കാര്‍ണിവലായ 'കേരളോത്സവ് 2018' അതിവിപുലമായി നാളെ (ഞായറാഴ്ച) , രാവിലെ 10 മണി മുതല്‍ ഈസ്റ്റ് ഹാമിലുള്ള 'ഫ്ളാണ്ടെസ് ഫീല്‍ഡില്‍ നടക്കും.


200 പരം മലയാളി മങ്കമാര്‍ നൃത്ത ചുവടുകളുമായി കളിക്കുന്ന മെഗാ തിരുവാതിരകളിയാണ് ഇത്തവണത്തെ കേരളോത്സവത്തിന്റെ പ്രധാന ആകര്‍ഷണം. കൂടാതെ പാട്ടും , ക്‌ളാസ്സിക് നാട്യങ്ങളും , നൃത്തങ്ങളും , വടം വലി മത്സരങ്ങളും , ഓട്ടം, ചാട്ടം മത്സരങ്ങളുമടക്കം ധാരാളം കായിക വിനോദങ്ങളും ഒപ്പം തന്നെ നല്ല രുചിയുള്ള നാടന്‍ ഗൃഹവിഭവങ്ങളുമൊക്കെയായി ശരിക്കും സന്തോഷകരമായി കൊണ്ടാടാവുന്ന തനി ഉത്സവ മേളങ്ങള്‍ തന്നെയാണ് ഒരുക്കിയിരിക്കുന്നത്.