ലീഡ്സ് മലയാളി അസോസിയേഷന്‍ (ലിമ) വെര്‍ച്വല്‍ ഓണാഘോഷം ഇന്ന്. ലിമയുടെ എല്ലാ കുടുംബങ്ങളുടെയും പങ്കാളിത്തത്തോടുകൂടി നടത്തുന്ന കലാപരിപാടികളുടെ ലൈവ് സ്ട്രീം ഇന്ന് ഉച്ചയ്ക്ക് രണ്ടുമണിക്ക് ആരംഭിക്കുന്നതാണ്. ഈ വര്‍ഷത്തെ ഓണാഘോഷത്തിന് എല്ലാവര്‍ക്കും ഉണര്‍വ് നല്‍കിയത് അത്തപ്പൂക്കള മത്സരവും, ഓണത്തോട് അനുബന്ധിച്ചുള്ള ഫോട്ടോഗ്രാഫി മത്സരവുമായിരുന്നു. എല്ലാ കുടുംബങ്ങളും അവരുടെ വീടുകളില്‍ ഓണാഘോഷത്തിന് ഇട്ട പൂക്കളവും, അന്നേ ദിവസത്തെ ഫോട്ടോകളും ആണ് മത്സരത്തിന് ഉപയോഗിച്ചത്. ലീഡ്സിലെ പ്രശസ്തമായ തറവാട് റസ്റ്റോറന്‍സ് ആണ് മത്സരവിജയികള്‍ക്ക് വളരെ ആകര്‍ഷകമായ സമ്മാനങ്ങള്‍ സ്പോണ്‍സര്‍ ചെയ്തിരിക്കുന്നത്. ലൈവ് സ്ട്രീം കോര്‍ഡിനേറ്റ് ചെയ്തിരിക്കുന്നത് ഫിലിപ്പ്സ് കടവിലാണ്.

യുക്മ വൈസ് വൈസ് പ്രസിഡന്റ് അഡ്വ. എബി സെബാസ്റ്റ്യന്‍ ഓണാഘോഷ പരിപാടികള്‍ക്ക് എല്ലാവിധ ആശംസകളും നേരുന്നതായി അറിയിച്ചു. ലീഡ്സ് മലയാളി അസോസിയേഷന്‍ പ്രസിഡന്റ് ജേക്കബ് കുയിലാടന്‍ ഓണസന്ദേശം നല്‍കും.