യുകെയിലെ കാംബോണ് ഇന്ത്യന് ക്ലബ് ഓണാഘോഷം നടത്തി. ഓണാഘോഷത്തിന്റെ പന്ത്രണ്ടാം വാര്ഷികത്തിലും പരിപാടി ഗംഭീരമായി. കേംബ്രിഡ്ജ്ഷെയറിലെ കാംബോണിലായിരുന്നു ഓണം കൂട്ടായ്മ. രാവിലെ 11 മണി മുതല് വൈകിട്ട് അഞ്ചു മണി വരെയായിരുന്നു ആഘോഷം. മലയാളി മങ്കമാരുടെ തിരുവാതിരയും കുട്ടികളുടെയും മുതിര്ന്നവരുടെയും കലാപരിപാടികളും അരങ്ങേറി. മാവേലി മന്നനെ ഓണത്തിന്റെ സ്മരണയില് വരവേറ്റു. ഇരുപത്തഞ്ചു വിഭവങ്ങളൊരുക്കിയ സദ്യ കെങ്കേമമായി.
