അവകാശങ്ങള് സംരക്ഷിക്കും, അമേരിക്കയുമായും ഇസ്രായേലുമായും യുദ്ധം ചെയ്യാന് ആഗ്രഹിക്കുന്നില്ല - ഇറാന്റെ പരമോന്നത നേതാവ് ആയത്തുള്ള മുജ്തബ ഖമനയി. 'എങ്കിലും ഒരു സാഹചര്യത്തിലും ഞങ്ങളുടെ നിയമപരമായ അവകാശങ്ങള് ഉപേക്ഷിക്കില്ല. ഈ കാര്യത്തില് 'പ്രതിരോധ മുന്നണി'യെ ഞങ്ങള് ഒന്നായി കാണുന്നു,' അദ്ദേഹം കൂട്ടിച്ചേര്ത്തു. ഹോര്മുസ് കടലിടുക്കിന്റെ മാനേജ്മെന്റ് ഒരു പുതിയ ഘട്ടത്തിലേക്ക് മാറ്റുമെന്നും യുദ്ധത്തിലുണ്ടായ എല്ലാ നഷ്ടങ്ങള്ക്കും നഷ്ടപരിഹാരം ആവശ്യപ്പെടുമെന്നും അദ്ദേഹം പറഞ്ഞു. വിശാലമായ പ്രതിരോധ മുന്നണിയെ ഒരു ഏകീകൃത ശക്തിയായി കണ്ട് മുന്നോട്ട് പോകുമെന്നും അദ്ദേഹം ഊന്നിപ്പറഞ്ഞു. യുദ്ധത്തിന്റെ ആദ്യ ദിനമായ ഫെബ്രുവരി 28-ന് പിതാവ് ആയത്തുള്ള അലി ഖമനയി കൊല്ലപ്പെട്ട് ആഴ്ചകള്ക്ക് ശേഷം സ്റ്റേറ്റ് ടിവിയിലൂടെ നല്കിയ സന്ദേശത്തിലാണ് അദ്ദേഹം ഇക്കാര്യം വ്യക്തമാക്കിയത്.
