|
ഈ മാസം ആദ്യം അധികാരമേറ്റ ശേഷം തമിഴക വെട്രി കഴകം തലവന്റെ ആദ്യത്തെ ഔദ്യോഗിക ഡല്‍ഹി സന്ദര്‍ശനമാണിത്. കൂടിക്കാഴ്ചയില്‍ തമിഴ്നാടിന്റെ ദീര്‍ഘകാല ആവശ്യങ്ങളായ ക്ഷേമ-അടിസ്ഥാന സൗകര്യ വികസന പദ്ധതികള്‍ക്കുള്ള സാമ്പത്തിക സഹായം, പ്രധാന വികസന പ്രവര്‍ത്തനങ്ങള്‍ക്കുള്ള അനുമതികള്‍, തര്‍ക്കമായി തുടരുന്ന മേക്കാദാട്ടു ജലവിഷയത്തിലെ കേന്ദ്ര ഇടപെടല്‍ എന്നിവ ഉള്‍ക്കൊള്ളിച്ചുകൊണ്ടുള്ള നിവേദനം വിജയ് പ്രധാനമന്ത്രിക്ക് സമര്‍പ്പിച്ചു.
നിലവിലുള്ള വികസന പ്രവര്‍ത്തനങ്ങള്‍ക്കായി കൂടുതല്‍ കേന്ദ്ര സഹായവും നഗര വികസനം, ഗതാഗതം, വ്യവസായ വിപുലീകരണം എന്നിവയുമായി ബന്ധപ്പെട്ട പ്രോജക്റ്റുകള്‍ക്ക് വേഗത്തിലുള്ള അനുമതിയും തമിഴ്നാട് സര്‍ക്കാര്‍ ആവശ്യപ്പെട്ടു. |
