|
യുഎഇയിലെ ഏറ്റവും പ്രധാനപ്പെട്ട സാമ്പത്തിക കേന്ദ്രങ്ങളായ ദുബായിയും അബുദാബിയും തമ്മിലുള്ള യാത്രാ സമയം വെറും 30 മിനിറ്റായി കുറയ്ക്കുന്ന പുതിയ അതിവേഗ റെയില് പദ്ധതി വരുന്നു. ഇത്തിഹാദ് റെയില് ശൃംഖലയുടെ ഭാഗമായാണ് ഈ അതിവേഗ ട്രെയിന് സര്വീസ് വിഭാവനം ചെയ്തിരിക്കുന്നത്. എങ്കിലും ദേശീയ പാസഞ്ചര് റെയില് സര്വീസില് നിന്ന് തികച്ചും വ്യത്യസ്തമായി പൂര്ണമായും വൈദ്യുതീകരിച്ച പ്രത്യേക ലൈനിലാണ് ഇത് പ്രവര്ത്തിക്കുക. വേഗത: മണിക്കൂറില് പരമാവധി 350 കിലോമീറ്റര് വേഗതയില് സഞ്ചരിക്കുന്ന ട്രെയിനുകളാണ് ഈ പാതയിലുണ്ടാവുക. ദുബായിലെ സ്റ്റേഷനുകള്: അല് മക്തൂം രാജ്യാന്തര വിമാനത്താവളം, അല് ജദ്ദാഫ് എന്നിവിടങ്ങളിലായി ദുബായില് രണ്ട് ഹൈ-സ്പീഡ് റെയില് സ്റ്റേഷനുകള് ഉണ്ടാകും. ആര്ടിഎയുടെ 2032 ദുബായ് റെയില് നെറ്റ്വര്ക്ക് മാപ്പ് പ്രകാരം അല് ഖൈല് റോഡിന് സമാന്തരമായാണ് ഈ അതിവേഗ പാത കടന്നുപോകുന്നത്. |
