|
ജെറ്റ് എയര്വേയ്സിലെ പൈലറ്റായ കരണ് സിംഗ് ഗില്ലിനെ വിവാഹം കഴിക്കുമ്പോള് മല്ലികയ്ക്ക് 21 വയസ്സ് മാത്രമായിരുന്നു പ്രായം. അന്ന് റീമ ലാംബ എന്ന പേരിലാണ് അവര് അറിയപ്പെട്ടിരുന്നത്. മല്ലികയുമായുള്ള വിവാഹമോചനത്തിന് ശേഷം കരണ് സിംഗ് ഗില് വീണ്ടും വിവാഹിതനായതായാണ് റിപ്പോര്ട്ടുകള്. മല്ലികയുമായി ഇനി യാതൊരു ബന്ധവും പുലര്ത്താന് അദ്ദേഹം താല്പ്പര്യപ്പെടുന്നില്ലെന്നും റിപ്പോര്ട്ടുകളുണ്ട്. അതേസമയം, മല്ലിക ഷെരാവത്ത് അഭിനയരംഗത്ത് സജീവമായി തുടരുകയാണ്. 'ദി ട്രെയ്റ്റേഴ്സ്' രണ്ടാം സീസണില് താരത്തെ കാണാം.
മല്ലികയുടേത് പ്രണയവിവാഹമായിരുന്നെങ്കിലും, ഗ്ലാമര് ലോകത്തേക്ക് കടന്നുവരാനുള്ള അവരുടെ തീരുമാനത്തിന് പിന്നാലെ ഇരുവരും വേര്പിരിഞ്ഞു. പതിറ്റാണ്ടുകളായി ആരാധകരുടെ പ്രിയതാരമായി തുടരുന്ന മല്ലിക, തന്റെ വിവാഹത്തെയും വിവാഹമോചനത്തെയും കുറിച്ച് പിന്നീട് കാര്യമായി പ്രതികരിച്ചിട്ടില്ല. 2009ല് മല്ലിക ഷെരാവത്തിന്റെ മുന്കാല ജീവിതത്തെക്കുറിച്ചുള്ള അധികമാര്ക്കും അറിയാത്ത ചില വിവരങ്ങള് 'സ്റ്റാര്ഡസ്റ്റ്' മാസിക പുറത്തുവിട്ടിരുന്നു. മല്ലികയുടെ അമ്മാവന് സുശീല് ലാംബയുമായി നടത്തിയ സംഭാഷണത്തില് അവരുടെ മുന്കാല ജീവിതത്തെക്കുറിച്ചും വിവാഹമോചനത്തിലേക്ക് നയിച്ച സാഹചര്യങ്ങളെക്കുറിച്ചും അദ്ദേഹം വിശദീകരിച്ചിരുന്നു.
ബോളിവുഡിലെ 'മല്ലിക'യായി മാറുന്നതിന് മുന്പ് ഹരിയാനയിലെ ഹിസാര് ജില്ലയിലെ മോത്ത് എന്ന ചെറുഗ്രാമത്തില് നിന്നുള്ള റീമ ലാംബയായിരുന്നു അവര് എന്ന കാര്യം അധികമാര്ക്കും അറിയില്ല. പിന്നീട് 'മല്ലിക' എന്ന പേരില് സിനിമാലോകത്ത് പ്രശസ്തയായ അവര് ആരാധകരുടെ ഹൃദയങ്ങളില് ഇടംനേടി. |
