Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Fri 20th Nov 2026
 
 
UK Special
  Add your Comment comment
പാറയ്ക്കുള്ളിലെ ചുറ്റിക ദിനോസറുകളുടെ കാലത്തേതോ? 'ലണ്ടന്‍ ഹാമറി'ന്റെ പഴക്കവാദത്തിന് തെളിവില്ല
reporter

ടെക്‌സസ്: പാറപോലുള്ള ആവരണത്തിനുള്ളില്‍ കണ്ടെത്തിയ 'ലണ്ടന്‍ ഹാമര്‍' ദിനോസറുകളുടെ കാലത്ത് മനുഷ്യര്‍ ജീവിച്ചിരുന്നതിന്റെ തെളിവാണെന്ന വാദത്തിന് ശാസ്ത്രീയ പിന്തുണയില്ല. താരതമ്യേന ആധുനികമായ ചുറ്റികയ്ക്കു ചുറ്റും ധാതുക്കള്‍ അടിഞ്ഞുകൂടിയതാകാമെന്നാണ് യുക്തിസഹമായ വിശദീകരണം. പ്രചാരത്തിലുള്ള കണ്ടെത്തല്‍വിവരണമനുസരിച്ച്, 1936ല്‍ അമേരിക്കയിലെ ടെക്‌സസിലുള്ള ലണ്ടന്‍ പ്രദേശത്തിനു സമീപത്തുനിന്നാണ് മാക്‌സ് ഹാനും ഭാര്യ എമ്മയും ഈ വസ്തു കണ്ടെത്തിയത്. കല്ലില്‍നിന്ന് മരക്കഷണം പുറത്തേക്കു നീണ്ടുനില്‍ക്കുന്നത് ശ്രദ്ധിച്ച ഇവര്‍ അത് വീട്ടിലെത്തിച്ചു. പിന്നീട് കല്ല് പൊട്ടിച്ചപ്പോള്‍ ഉള്ളില്‍ ലോഹച്ചുറ്റിക കണ്ടെത്തുകയായിരുന്നു.

ചുറ്റികയെ പൊതിഞ്ഞിരുന്ന കട്ടിയുള്ള ആവരണമാണ് അസാധാരണമായ പഴക്കത്തെക്കുറിച്ചുള്ള വാദങ്ങള്‍ക്ക് വഴിയൊരുക്കിയത്. പാറയ്ക്ക് പത്തുകോടിയിലധികം വര്‍ഷം പഴക്കമുണ്ടെന്നും അതിനാല്‍ ചുറ്റികയും അത്രതന്നെ പഴക്കമുള്ളതാണെന്നും ചിലര്‍ അവകാശപ്പെട്ടു. എന്നാല്‍ ഈ നിഗമനത്തെ സാധൂകരിക്കുന്ന വിശ്വസനീയ തെളിവുകളില്ല. വെള്ളത്തില്‍ ലയിച്ച ധാതുക്കള്‍ ഒരു വസ്തുവിനു ചുറ്റും അടിഞ്ഞുകൂടി കട്ടിയുള്ള ആവരണം രൂപപ്പെടുത്താം. 'മിനറല്‍ കോണ്‍ക്രീഷന്‍' എന്ന ഈ പ്രക്രിയയിലൂടെ പാറയ്ക്കുള്ളില്‍ കുടുങ്ങിയതുപോലുള്ള രൂപം ഉണ്ടാകാം. അതിനാല്‍ പുറത്തെ ആവരണത്തിന്റെ പഴക്കം മാത്രം പരിഗണിച്ച് ഉള്ളിലെ വസ്തുവിന്റെ കാലപ്പഴക്കം നിര്‍ണയിക്കാനാകില്ല. ലണ്ടന്‍ ഹാമര്‍ പത്തൊന്‍പതാം നൂറ്റാണ്ടില്‍ നിര്‍മിച്ച ഉപകരണമായിരിക്കാമെന്നാണ് ലേഖനം ചൂണ്ടിക്കാട്ടുന്ന വിശദീകരണം. ദിനോസറുകളുടെ കാലത്തെ മനുഷ്യനിര്‍മിത ഉപകരണമാണെന്ന അവകാശവാദം തെളിയിക്കപ്പെട്ടിട്ടില്ല.

 
Other News in this category

 
 




 
Close Window