|
കേരളത്തിലെ പെന്തക്കോസ്ത് സഭകളെ ക്രൈസ്തവ സഭാ വിഭാഗമായി അംഗീകരിക്കാന് മാര്ച്ച് 9ന് ചേര്ന്ന മന്ത്രിസഭാ യോഗം തീരുമാനിച്ചു. പെന്തക്കോസ്ത് ക്രൈസ്തവര് ഉള്പ്പെടെയുള്ള പരിവര്ത്തിത ക്രൈസ്തവ വിഭാഗങ്ങള് (SCCC) നേരിടുന്ന വിവിധ വിഷയങ്ങള് പഠിച്ച് ശിപാര്ശകള് സമര്പ്പിക്കാന് മൂന്നംഗ ഐ.എ.എസ് ഉദ്യോഗസ്ഥരുടെ സമിതിയെ ചുമതലപ്പെടുത്തി. ബിശ്വനാഥ് സിന്ഹ, ടി.വി. അനുപമ, ജെറോമിക് ജോര്ജ് എന്നിവരാണ് സമിതിയിലെ അംഗങ്ങള്.
പെന്തക്കോസ്ത് സഭാംഗങ്ങളെ ഒരു കമ്മ്യൂണിറ്റിയായി അംഗീകരിക്കണമെന്നും നിലവിലുള്ള സെമിത്തേരികള് ഉപയോഗിക്കാന് അനുമതി നല്കണമെന്നും ആവശ്യപ്പെട്ട് പെന്തക്കോസ്ത് ലീഡേഴ്സ് കൗണ്സില് മുഖ്യമന്ത്രി പിണറായി വിജയനും പ്രതിപക്ഷ നേതാവ് വി.ഡി.സതീശനും നിവേദനം നല്കിയിരുന്നു. ഇതിന് പിന്നാലെയാണ് സര്ക്കാരിന്റെ നിര്ണ്ണായക നീക്കം. |
