ഇന്ത്യയുടെ വിദേശ നാണ്യ ശേഖരത്തിൽ വൻ ഇടിവ്. കഴിഞ്ഞ ഏഴു വർഷത്തിനിടയിലെ ഏറ്റവും താഴ്ന്ന നിലയിലാണ് വിദേശ നാണ്യ ശേഖരം ഇപ്പോഴുള്ളത്. ഒക്ടോബർ പന്ത്രണ്ടിനവസാനിച്ച ആഴ്‌ചയിൽ വിദേശ നാണ്യ ശേഖരം 5100 കോടി ഡോളർ കണ്ട് കുറഞ്ഞു. മൊത്തം വിദേശ നാണ്യ ശേഖരം 39,960 കോടി ഡോളറിൽ നിന്ന് 39,446 കോടി ഡോളറായാണ് താഴ്ന്നത്.

രൂപയുടെ വിലയിടിവ് തടയുന്നതിന് റിസർവ് ബാങ്ക് വിദേശ നാണ്യ ശേഖരത്തിൽ നിന്ന് ഡോളർ റിലീസ് ചെയ്തതാണ് വൻ ഇടിവിനു കാരണമായത്. മാർച്ച് മുതൽ സെപ്റ്റംബർ വരെയുള്ള കാലയളവിൽ 12,800 കോടി മൂല്യം വരുന്ന ഡോളറാണ് വിപണിയിലെത്തിച്ചത്. കഴിഞ്ഞ മാർച്ചിന് ശേഷം മാത്രം ഏകദേശം 3000 കോടി ഡോളറിന്റെ ഇടിവാണ് ഉണ്ടായത്. ഡോളർ വിലയിലെ വൻ മുന്നേറ്റമാണ് ഈ ഇടിവിനു ഇടയാക്കിയത്.