സാമ്പത്തിക തകർച്ചയുടെ രൂക്ഷത വ്യക്തമാക്കി ഒക്ടോബർ മാസത്തിൽ ആദായ നികുതി വരുമാനത്തിൽ വൻ ഇടിവ്. കോർപറേറ്റ് ആദായ നികുതിയും വ്യക്തിഗത ആദായ നികുതിയും ചേർത്തുള്ള വരുമാനം കഴിഞ്ഞ മാസത്തിൽ 17 . 5 ശതമാനം ഇടിവ് രേഖപ്പെടുത്തി. 2018 ഒക്ടോബറിൽ 61,475 കോടി രൂപ ഈ ഇനത്തിൽ കളക്ട് ചെയ്തപ്പോൾ ഈ വർഷം ഒക്ടോബറിൽ വരുമാനം 50,715 കോടി രൂപയിലേക്ക് താഴ്ന്നു. ജി എസ് ടി വരുമാനത്തിലും വൻ ഇടിവാണ് രാജ്യം നേരിട്ടു കൊണ്ടിരിക്കുന്നത്. ഈ ഇനത്തിൽ മാസം തോറും ശരാശരി 15,000 കോടി രൂപയുടെ ഇടിവ് ഉണ്ടായിട്ടുണ്ട്.

സാമ്പത്തിക മാന്ദ്യത്തെ തുടർന്ന് കോർപറേറ്റ് ആദായ നികുതിയിൽ ഗവണ്മെന്റ് ഇളവ് പ്രഖ്യാപിച്ചതാണ് ആദായ നികുതി വരുമാനത്തിൽ പ്രതിസന്ധി ഉണ്ടാക്കിയതെന്ന് വിദഗ്ദർ പറയുന്നു.