ഇന്ത്യയുടെ ചരിത്രത്തിലെ ഏറ്റവും വലിയ ടെലികോം സ്‌പെക്ട്രം ലേലത്തിന് അരങ്ങൊരുങ്ങി. 522850 കോടി രൂപയുടെ മൂല്യം മതിക്കുന്ന 5 ജി സ്‌പെക്ട്രം ലേലത്തിന് ഡിജിറ്റല്‍ കമ്മ്യൂണിക്കേഷന്‍സ് കമ്മീഷന്‍ ഇന്ന് അംഗീകാരം നല്‍കി. 22 സര്‍ക്കിളുകളിലായി 8300 മെഗാ ഹേര്‍ട്‌സ് സ്‌പെക്ട്രമാണ് ലേലത്തിന് വെയ്ക്കുന്നത്. അടുത്ത വര്‍ഷം മാര്‍ച്ച് , ഏപ്രില്‍ മാസത്തോടെയാകും ലേലം.
ലേലം പിടിക്കുന്ന കമ്പനി 25 ശതമാനം തുക കെട്ടിവെയ്ക്കണം. ബാക്കി തുക 16 വര്‍ഷം കൊണ്ട് കൊടുത്ത തീര്‍ത്താല്‍ മതിയാകും.

ഇതുകൂടാതെ കൊച്ചി – ലക്ഷദ്വീപ് സമുദ്ര കേബിള്‍ ശ്രംഖലക്കും കമ്മീഷന്‍ അനുമതി നല്‍കിയിട്ടുണ്ട്. ലക്ഷദ്വീപിലെ 11 ദ്വീപുകള്‍ക്ക് ഇതുകൊണ്ട് നേട്ടമുണ്ടാകും. 1072 കോടി രൂപയാണ് ഇതിന്റെ മതിപ്പ് ചെലവ്.