|
കോവിഡ് ദൈവ നിശ്ചയമാണെന്നും അത് സാമ്പത്തിക ഞെരുക്കത്തിന് കാരണമാകും എന്നുമുള്ള ധനമന്ത്രി നിര്മല സീതാരാമന്റെ പരാമര്ശത്തെ പരിഹസിച്ച് കോണ്ഗ്രസ് നേതാവ് പി ചിദംബരം. തന്റെ ട്വിറ്ററിലൂടെയാണ് ചിതംബരത്തിന്റെ പ്രതികരണം.
നികുതിവരുമാനം കുറയാന് കാരണമായ കോവിഡ് മഹാമാരി ദൈവത്തിന്റെ പ്രവൃത്തിയാണെങ്കില് മുന് വര്ഷത്തിലുണ്ടായ സാമ്പത്തിക തകര്ച്ചക്ക് കാരണമെന്താണെന്ന് ദൈവത്തിന്റെ സന്ദേശവാഹക എന്ന നിലയില് നിര്മല സീതാരാമന് മറുപടി നല്കാമോ എന്ന് ചിദംബരം ട്വിറ്റ് ചെയ്തു.
സാമ്പത്തിക ഉത്തരവാദിത്തത്തില് നിന്ന് കേന്ദ്രസര്ക്കാര് സ്വയം ഒഴിഞ്ഞുനില്ക്കുകയാണ്. ഇത് കടുത്ത വഞ്ചനയും നിയമ ലംഘനവുമാണെന്നും ചിദംബരം ട്വിറ്ററില് കുറിച്ചു.
ജിഎസ്ടി വരുമാനത്തിലുണ്ടായ നഷ്ടത്തെ മറികടക്കാനായി കേന്ദ്രസര്ക്കാര് മുന്നോട്ടുവെച്ച രണ്ട് മാര്ഗനിര്ദേശങ്ങളും സ്വീകാര്യമല്ല. സംസ്ഥാനങ്ങള്ക്ക് കൂടുതല് ബാധ്യത നല്കിക്കൊണ്ട് സാമ്പത്തിക ഉത്തരവാദിത്തത്തില് നിന്ന് കേന്ദ്രസര്ക്കാര് ഒഴിയുകയാണ്. ഇത് വഞ്ചനയും നിയമലംഘനവുമാണെന്നും ചിദംബരം പറഞ്ഞു. |
