|
കോവിഡ് വ്യാപനം രൂക്ഷമായ സാഹചര്യത്തില് ഇന്ത്യയില് നിന്നും തിരിച്ചുമുള്ള വിമാന സര്വീസ് സൗദി അറേബ്യ നിര്ത്തി. ഇനിയൊരറിയിപ്പ് ഉണ്ടാകുന്നത് വരെ വിമാന സര്വീസ് ഉണ്ടാകില്ലെന്ന് ജനറല് അതോറിറ്റി ഓഫ് സിവിക് ഏവിയേഷന് ഉത്തരവില് പറയുന്നു.
ഇന്ത്യയില് പ്രതിദിന കോവിഡ് കേസുകള് വലിയ രീതിയില് ഉയരുന്നത് കണക്കിലെടുത്താണ് ഇന്ത്യയുമായുള്ള വ്യോമയാന ബന്ധം താത്കാലികമായി നിര്ത്തുന്നത് എന്ന് സൗദി അറേബ്യ വ്യക്തമാക്കി.
സൗദിയിലെ ഒട്ടേറെ പ്രവാസി മലയാളികള്ക്കും അവധിക്ക് നാട്ടില് വന്ന ശേഷം മടങ്ങിപ്പോകാനിരുന്ന പ്രവാസിമലയാളികള്ക്കും ഇത് വലിയ തിരിച്ചടിയാകും. 34 ലക്ഷത്തോളം ഇന്ത്യക്കാരാണ് സൗദിയിലുള്ളത്.
മേയ് ആദ്യവാരം മുതല് ഇന്ത്യയിലേയ്ക്ക് സര്വീസ് നടത്തിയിരുന്ന വന്ദേഭാരത് മിഷന് പദ്ധതിപ്രകാരമുള്ള വിമാനങ്ങള്ക്കും ഈ വിലക്ക് ബാധകമാണെന്നാണ് വിവരം.
ഇന്ത്യയ്ക് പുറമെ അര്ജന്റീന, ബ്രസീല് രാജ്യങ്ങള്ക്കും സൗദി അറേബ്യ ഇത്തരത്തില് വിമാന യാത്ര വിലക്ക് ഏര്പ്പെടുത്തിട്ടുണ്ട്. |
