ഇന്ത്യയിലേക്കുള്ള സ്വര്‍ണ്ണ ഇറക്കുമതി ജൂലൈ സെപ്റ്റംബര്‍ കാലയളവില്‍ ഇരട്ടിയായി വര്‍ധിച്ചതായി കണക്കുകള്‍ വ്യക്തമാക്കുന്നു. 165 .7 ടണ്‍ സ്വര്‍ണ്ണമാണ് ഇക്കാലയളവില്‍ ഇന്ത്യയിലേക്കെത്തിയത്. കഴിഞ്ഞ വര്‍ഷം ഇതേ കാലയളവിനെയപേക്ഷിച്ചു ഇരട്ടിയിലേറെ സ്വര്‍ണ്ണമാണ് ഇത്തവണ എത്തിയിരിക്കുന്നത്. ജി. എസ് . ടി സംബന്ധിച്ച അനിശ്ചിതത്വം നിലനിന്ന സാഹചര്യത്തിലും ഇറക്കുമതിയിലെ വര്‍ധന അമ്പരപ്പിക്കുന്നതാണ്.
സൗത്ത് കൊറിയയില്‍ നിന്ന് മാത്രം 33 ടണ്‍ ഇറക്കുമതി ചെയ്തിട്ടുണ്ട്. ഈ രാജ്യവുമായുള്ള സ്വതന്ത്ര വ്യാപാര കരാറാണ് ഇതിനു കാരണമായി പറയുന്നത്.
കള്ളക്കടത് സ്വര്‍ണ്ണത്തിന്റെ കാര്യത്തിലും വര്‍ധന പ്രകടമാണ്. 46 ടണ്‍ സ്വര്‍ണ്ണം കള്ളക്കടത്തായി എത്തിയിട്ടുണ്ട് എന്നാണ് വിവരം. കഴിഞ്ഞ വര്‍ഷം ഇതേ കാലയളവില്‍ 25 .2 ടണ്‍ സ്വര്‍ണ്ണമാണ് കള്ളക്കടത്തായി എത്തിയത്.