|
മൂന്നാറിലേക്ക് ഡബിള് ഡക്കര് ബസ്. ഗതാഗത വകുപ്പ് മന്ത്രി കെ ബി ഗണേഷ് കുമാര് തിരുവനന്തപുരത്ത് ഉദ്ഘാടനം നിര്വ്വഹിക്കും. യാത്രക്കാര്ക്ക് കാഴ്ചകള് പൂര്ണ്ണമായും ആസ്വദിക്കാന് കഴിയുന്ന തരത്തില് പൂര്ണ്ണമായും സുതാര്യമായ രീതിയിലാണ് ബസ് സജ്ജീകരിച്ചിട്ടുള്ളത്. കെഎസ്ആര്ടിസിയുടെ ഏറ്റവും പുതിയ സംരംഭമായ 'കെഎസ്ആര്ടിസി റോയല് വ്യൂ' പദ്ധതിയുടെ ഭാഗമാണ് ഡബിള് ഡക്കര് ബസ് സര്വീസ്.
തിരുവനന്തപുരത്ത് നഗരക്കാഴ്ചകള് എന്ന പേരില് ആരംഭിച്ച ഓപ്പണ് ഡബിള് ഡക്കര് സര്വീസുകള് ഏറെ ജനപ്രീതി നേടിയിരുന്നു. ഇതേ മാതൃകയിലാണ് മൂന്നാറിലെ സഞ്ചാരികള്ക്കായി കെഎസ്ആര്ടിസിയുടെ പുതുവത്സര സമ്മാനം എത്തുന്നത്. കഴിഞ്ഞ ഏപ്രിലില് ഡബിള് ഡക്കര് ബസ് സര്വീസിന്റെ ട്രയല് റണ് മൂന്നാറില് നടന്നിരുന്നു. |
