തിരുവനന്തപുരം: കെഎസ്ടിപി റോഡ് നിര്‍മാണ പദ്ധതിയുമായി ബന്ധപ്പെട്ട കൈക്കൂലി ആരോപണത്തില്‍ മുഖ്യ തിരഞ്ഞെടുപ്പ് കമ്മിഷണര്‍ ഗ്യാനേഷ് കുമാറിനെതിരെ വിജിലന്‍സ് അന്വേഷണത്തിന് ആഭ്യന്തരമന്ത്രി രമേശ് ചെന്നിത്തല അനുമതി നല്‍കിയതായി റിപ്പോര്‍ട്ട്. കൊല്ലം ചടയമംഗലം സ്വദേശി വി.ഒ. സാജന്റെ പരാതിയിലാണ് നടപടി.
ഗ്യാനേഷ് കുമാര്‍ കേരളത്തില്‍ പൊതുമരാമത്ത് സെക്രട്ടറിയായിരിക്കെ കരാര്‍ ബില്ലുകള്‍ പാസാക്കാന്‍ രണ്ട് കോടി രൂപ ആവശ്യപ്പെട്ടെന്നാണ് ആരോപണം. കെഎസ്ടിപി കരാര്‍ ഏറ്റെടുത്ത പതി-ബെല്‍ കമ്പനിയുടെ പ്രോജക്ട് മാനേജരായിരുന്ന മലേഷ്യന്‍ എന്‍ജിനീയര്‍ ലീ സീ ബിന്‍ ഇക്കാര്യം തന്നോട് പറഞ്ഞിരുന്നുവെന്നാണ് സാജന്റെ പരാതി. കമ്പനിക്ക് നിര്‍മാണസാമഗ്രികള്‍ വിതരണം ചെയ്യുന്ന ഉപകരാര്‍ സാജന്‍ ഏറ്റെടുത്തിരുന്നു.
ലീ സീ ബിന്‍ 2006ല്‍ മലേഷ്യയില്‍ മരിച്ചതിനു പിന്നാലെ പദ്ധതിയുമായി ബന്ധപ്പെട്ട അഴിമതി ആരോപണങ്ങളില്‍ അന്വേഷണം നടന്നിരുന്നു. മതിയായ തെളിവുകളില്ലെന്ന നിഗമനത്തില്‍ അവസാനിപ്പിച്ച അന്വേഷണത്തില്‍ തന്റെ ഉള്‍പ്പെടെയുള്ളവരുടെ മൊഴി രേഖപ്പെടുത്തിയിരുന്നില്ലെന്നും സമഗ്രമായ പരിശോധന വേണമെന്നുമാണ് സാജന്റെ ആവശ്യം. ആരോപണങ്ങള്‍ അന്വേഷണത്തിലൂടെ പരിശോധിക്കപ്പെടേണ്ടതാണ്.
