Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Thu 19th Nov 2026
 
 
വാര്‍ത്തകള്‍
  Add your Comment comment
പിഎസ്സി അംഗങ്ങളുടെ പട്ടികയില്‍ കൂടിയാലോചനയില്ലെന്ന് പരാതി; മന്ത്രിസഭാ യോഗത്തില്‍ തര്‍ക്കമെന്ന് റിപ്പോര്‍ട്ട്
reporter

തിരുവനന്തപുരം: പുതിയ പിഎസ്സി അംഗങ്ങളുടെ പട്ടികയെച്ചൊല്ലി മന്ത്രിസഭാ യോഗത്തില്‍ മുഖ്യമന്ത്രി വി.ഡി. സതീശനെതിരെ മന്ത്രിമാര്‍ എതിര്‍പ്പുയര്‍ത്തിയതായി റിപ്പോര്‍ട്ട്. അഞ്ച് അംഗങ്ങളുടെ പേരുകള്‍ മുഖ്യമന്ത്രി മുന്നോട്ടുവച്ചതിനു പിന്നാലെ എ.പി. അനില്‍കുമാറും സണ്ണി ജോസഫും കൂടിയാലോചനയുടെ അഭാവം ചൂണ്ടിക്കാട്ടിയെന്നാണ് വിവരം. പട്ടിക സംബന്ധിച്ച് എവിടെയാണ് ചര്‍ച്ച നടന്നതെന്ന് എ.പി. അനില്‍കുമാര്‍ ചോദിച്ചു. ഗുരുവായൂര്‍ ദേവസ്വം ബോര്‍ഡ് അംഗങ്ങളെ നിശ്ചയിക്കുന്ന കാര്യത്തിലും നേരത്തെ കൂടിയാലോചന ഉണ്ടായില്ലെന്ന പരാതി അദ്ദേഹം ഉന്നയിച്ചതായി റിപ്പോര്‍ട്ടില്‍ പറയുന്നു.

ഇതേ വിഷയത്തില്‍ തനിക്കും പരാതിയുണ്ടെന്നും മുഖ്യമന്ത്രി കൈക്കൊള്ളുന്ന പല തീരുമാനങ്ങളും അറിയുന്നില്ലെന്നും സണ്ണി ജോസഫ് അഭിപ്രായപ്പെട്ടതായാണ് വിവരം. ഗുരുവായൂര്‍ ദേവസ്വം ബോര്‍ഡ് അംഗങ്ങളുടെ നിയമനത്തെച്ചൊല്ലിയുള്ള തര്‍ക്കം തുടരുന്നതിനിടെയാണ് പിഎസ്സി പട്ടികയിലും അഭിപ്രായഭിന്നത ഉയര്‍ന്നത്. അതേസമയം, ദേവസ്വം ബോര്‍ഡ് വിഷയത്തില്‍ മുഖ്യമന്ത്രി ഏകപക്ഷീയമായ നിലപാടല്ല സ്വീകരിച്ചതെന്ന് കെ. മുരളീധരന്‍ വ്യക്തമാക്കി. ഇക്കാര്യത്തില്‍ മുഖ്യമന്ത്രി തന്നോട് കൂടിയാലോചിച്ചിരുന്നതായും അദ്ദേഹം പറഞ്ഞു. സര്‍ക്കാര്‍ അധികാരത്തിലെത്തി ആറുമാസം പൂര്‍ത്തിയാകുന്ന ഘട്ടത്തിലാണ് മന്ത്രിസഭയിലെ ഭിന്നത സംബന്ധിച്ച റിപ്പോര്‍ട്ട് പുറത്തുവന്നിരിക്കുന്നത്.

 
Other News in this category

 
 




 
Close Window