കോഴിക്കോട്: നിയമസഭ തെരഞ്ഞെടുപ്പ് പ്രചാരണത്തിനായി ഇന്ന് കോഴിക്കോട് എത്താനിരുന്ന രാഹുല് ഗാന്ധിയുടെ യാത്ര റദ്ദാക്കി. പകരം കോണ്ഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെ യുഡിഎഫ് സ്ഥാനാര്ത്ഥികളുടെ പ്രചാരണപരിപാടിയില് പങ്കെടുക്കും. അമ്മ സോണിയാ ഗാന്ധി അനാരോഗ്യം മൂലം ഡല്ഹിയിലെ ഗംഗ റാം ആശുപത്രിയില് പ്രവേശിപ്പിക്കപ്പെട്ട സാഹചര്യത്തിലാണ് രാഹുല് ഗാന്ധി കോഴിക്കോട് യാത്ര റദ്ദാക്കിയത്. ശ്വാസകോശ സംബന്ധമായ അസുഖത്തെ തുടര്ന്നാണ് സോണിയാ ഗാന്ധിയെ ആശുപത്രിയില് പ്രവേശിപ്പിച്ചത്. മക്കളായ പ്രിയങ്കയും രാഹുലും സോണിയക്കൊപ്പമുണ്ട്. രാഹുല് ഗാന്ധി വൈകുന്നേരം നാലരയ്ക്ക് കോഴിക്കോട് ബീച്ചില് നടക്കുന്ന പ്രചാരണ പരിപാടിയില് സംബന്ധിക്കുമെന്നാണ് കോണ്ഗ്രസ് നേരത്തെ അറിയിച്ചിരുന്നത്. കോണ്ഗ്രസ് മുന്നോട്ടുവെച്ച ഗ്യാരണ്ടി വിശദീകരിക്കുന്ന ബസിന്റെ പ്ലാഗ് ഓഫ്, പാചകവാതക പ്രതിസന്ധിയുമായി ബന്ധപ്പെട്ട് ജനങ്ങളുമായുള്ള സംവാദം തുടങ്ങിയ പരിപാടികളാണ് അദ്ദേഹത്തിന് പങ്കെടുക്കാനായി നിശ്ചയിച്ചിരുന്നത്.
