ന്യൂഡല്‍ഹി: അന്തരീക്ഷ മലിനീകരണം രൂക്ഷമായ രാജ്യതലസ്ഥാനത്ത് ഇന്ധന വാഹനങ്ങളുടെ ഉപയോഗം പരമാവധി കുറയ്ക്കാന്‍ ലക്ഷ്യമിട്ട് ഡല്‍ഹി സര്‍ക്കാര്‍ പുതിയ ഇലക്ട്രിക് വാഹന (EV) നയത്തിന്റെ കരട് പുറത്തിറക്കി. നഗരത്തെ പരിസ്ഥിതി സൗഹൃദ സംവിധാനത്തിലേക്ക് മാറ്റുക, വായു മലിനീകരണം കുറയ്ക്കുക എന്നിവയാണ് നയത്തിന്റെ പ്രധാന ലക്ഷ്യങ്ങള്‍.



പ്രധാന തീരുമാനങ്ങള്‍:



2027 ജനുവരി 1 മുതല്‍: പുതിയ രജിസ്ട്രേഷന്‍ അനുവദിക്കുന്നത് ഇലക്ട്രിക് മുച്ചക്ര വാഹനങ്ങള്‍ക്ക് മാത്രം.



2028 ഏപ്രില്‍ 1 മുതല്‍: നിയന്ത്രണം ഇരുചക്ര വാഹനങ്ങളിലേക്കും വ്യാപിപ്പിക്കും.



2026 ജനുവരി മുതല്‍: ഡെലിവറി സര്‍വീസിനും ചരക്ക് ഗതാഗതത്തിനും ഇലക്ട്രിക് വാഹനങ്ങള്‍ മാത്രം.



2026 ഡിസംബര്‍ 31 വരെ: നിലവിലുള്ള BS-6 ഇരുചക്ര വാഹനങ്ങള്‍ക്ക് അനുമതി.



സര്‍ക്കാര്‍ വാഹനങ്ങള്‍:



സ്‌കൂള്‍ ബസുകളും സര്‍ക്കാര്‍ വാഹനങ്ങളും ഘട്ടംഘട്ടമായി ഇലക്ട്രിക്കിലേക്ക് മാറ്റും.



രണ്ടാം വര്‍ഷം 10%, മൂന്നാം വര്‍ഷം 20%, 2030-ഓടെ 30% വരെ സര്‍ക്കാര്‍ വാഹനങ്ങള്‍ EV ആക്കുക.



പുതിയ സര്‍ക്കാര്‍ വാഹനങ്ങള്‍ 100% ഇലക്ട്രിക് ആയിരിക്കും.



അന്തര്‍സംസ്ഥാന ബസുകളും EV-യിലേക്ക് മാറും.



ആനുകൂല്യങ്ങള്‍:



ഇലക്ട്രിക് ഇരുചക്ര വാഹനങ്ങള്‍ക്ക് ബാറ്ററി ശേഷി അനുസരിച്ച് സബ്സിഡി (?2.25 ലക്ഷം വരെയുള്ള വാഹനങ്ങള്‍).



ഇലക്ട്രിക് കാറുകള്‍ക്ക് ?1 ലക്ഷം വരെ ആനുകൂല്യം.



BS-4, അതിന് താഴെയുള്ള പഴയ വാഹനങ്ങള്‍ക്ക് സ്‌ക്രാപ്പേജ് ആനുകൂല്യം ?10,000 മുതല്‍ ?1 ലക്ഷം വരെ.



EV-കള്‍ക്ക് റോഡ് നികുതിയും രജിസ്ട്രേഷന്‍ ഫീസും 100% ഇളവ്.



ഹൈബ്രിഡ് വാഹനങ്ങള്‍ക്ക് ഭാഗിക ഇളവ്.



എല്ലാ സബ്സിഡികളും ഡിജിറ്റല്‍ സംവിധാനത്തിലൂടെ വിതരണം ചെയ്യും.