മലപ്പുറം: ബേപ്പൂരിലെ യുഡിഎഫ് സ്ഥാനാര്ത്ഥിയും പാര്ട്ടി സംസ്ഥാന കണ്വീനറുമായ പി.വി. അന്വര് തൃണമൂല് കോണ്ഗ്രസുമായുള്ള എല്ലാ ബന്ധവും ഉപേക്ഷിച്ചതായി പ്രഖ്യാപിച്ചു. തൃണമൂലിലെ എല്ലാ സ്ഥാനങ്ങളില് നിന്നും രാജിവെച്ചതായും ഉടന് തന്നെ പുതിയ പാര്ട്ടി രൂപീകരിക്കുമെന്നും അദ്ദേഹം മാധ്യമങ്ങളോട് അറിയിച്ചു.
പുതിയ പാര്ട്ടി രൂപീകരണം
രാഹുലിന്റെ ആശയങ്ങളോട് യോജിക്കുന്ന മതേതര, ജനാധിപത്യ, സോഷ്യലിസ്റ്റ് സ്വഭാവമുള്ള പാര്ട്ടിയായിരിക്കും പുതുതായി രജിസ്റ്റര് ചെയ്യുന്നത്. ഫാസിസത്തെയും പിണറായിസത്തെയും ഒരുപോലെ എതിര്ക്കുന്ന നിലപാടാണ് സ്വീകരിക്കുമെന്ന് അന്വര് വ്യക്തമാക്കി. മെയ് പകുതിക്കകം സംസ്ഥാനത്ത് പുതിയ രാഷ്ട്രീയ സംവിധാനം വരുമെന്നു അദ്ദേഹം പറഞ്ഞു.
തൃണമൂലുമായുള്ള ബന്ധം വിച്ഛേദിച്ചതിന്റെ കാരണം
ഒന്നര വര്ഷമായി തൃണമൂലുമായി പ്രവര്ത്തിച്ചിരുന്നെങ്കിലും ദേശീയ നേതൃത്വത്തില് നിന്ന് ആവശ്യമായ പിന്തുണ ലഭിച്ചില്ല.
കോണ്ഗ്രസുമായി സഹകരിക്കുന്നതില് ആദ്യം പ്രശ്നമില്ലെന്ന നിലപാട് എടുത്തെങ്കിലും പിന്നീട് പിന്മാറി.
ബേപ്പൂരില് നടന്ന മത്സരത്തില് ദേശീയ തലത്തില് നിന്ന് നേതാവിനെ അയക്കണമെന്ന് ആവശ്യപ്പെട്ടപ്പോള്, കോണ്ഗ്രസുമായി വേദി പങ്കിടാന് കഴിയില്ലെന്നു തൃണമൂല് നേതൃത്വം അറിയിച്ചു.
ഈ നിലപാടില് മുന്നോട്ട് പോകാന് കഴിയില്ലെന്ന് മനസ്സിലാക്കിയതിനാലാണ് ബന്ധം വിച്ഛേദിച്ചത്.
സംസ്ഥാന കമ്മിറ്റിയുടെ തീരുമാനം
സംസ്ഥാന കമ്മിറ്റി വിശദമായി ചര്ച്ച ചെയ്ത് ദേശീയ നേതൃത്വവുമായി എല്ലാ ബന്ധവും വിച്ഛേദിക്കാന് തീരുമാനിച്ചു. കേരളത്തിന് പ്രത്യേക പരിഗണന നല്കുന്ന പാര്ട്ടിയാണ് രൂപീകരിക്കപ്പെടുന്നതെന്നും അന്വര് വ്യക്തമാക്കി.
