ന്യൂഡല്ഹി: തൊണ്ടിമുതല് കേസിലെ ശിക്ഷാവിധിക്കെതിരെ ആന്റണി രാജു നല്കിയ അപ്പീല് സുപ്രീംകോടതി തള്ളി. ജസ്റ്റിസ് ദീപാങ്കര് അധ്യക്ഷനായ ബെഞ്ചാണ് ഹര്ജി പരിഗണിച്ചത്. ശിക്ഷാവിധി തടയണമെന്ന ആവശ്യം സുപ്രീംകോടതി അംഗീകരിച്ചില്ല. ഹൈക്കോടതിയുടെ പരാമര്ശങ്ങള് നീക്കണമെന്ന ആവശ്യം പോലും കോടതി തള്ളിക്കളഞ്ഞു.
ശിക്ഷാവിധിക്കെതിരെ ആന്റണി രാജു നേരത്തെ ഹൈക്കോടതിയെയും സമീപിച്ചിരുന്നു. ഹൈക്കോടതി ആവശ്യം തള്ളിയതിനെ ചോദ്യം ചെയ്താണ് സുപ്രീംകോടതിയില് അപ്പീല് നല്കിയത്. ശിക്ഷ മരവിപ്പിക്കണമെന്ന ആവശ്യം ഹൈക്കോടതി തള്ളിയതോടെ തെരഞ്ഞെടുപ്പില് മത്സരിക്കാന് അദ്ദേഹത്തിന് സാധിച്ചിരുന്നില്ല. നെടുമങ്ങാട് കോടതിയാണ് തൊണ്ടിമുതല് കേസില് രണ്ടാം പ്രതിയായ ആന്റണി രാജുവിന് മൂന്ന് വര്ഷം തടവുശിക്ഷ വിധിച്ചത്. ശിക്ഷ മരവിപ്പിക്കണമെന്ന ആവശ്യം തള്ളിയ തിരുവനന്തപുരം സെഷന്സ് കോടതി ഉത്തരവ് റദ്ദാക്കണമെന്ന ഹര്ജിയിലാണ് ഹൈക്കോടതി സിംഗിള് ബെഞ്ച് വിധി പുറപ്പെടുവിച്ചത്.
