തിരുവനന്തപുരം: മുഖ്യമന്ത്രി സ്ഥാനത്തേക്ക് അവകാശവാദവുമായി മുതിര്‍ന്ന കോണ്‍ഗ്രസ് നേതാവ് Ramesh Chennithala രംഗത്ത്. പാര്‍ട്ടിയിലെ സീനിയര്‍ നേതാവായ തനിക്ക് യോഗ്യമായ പരിഗണന ലഭിക്കണമെന്ന് അദ്ദേഹം ആവശ്യപ്പെട്ടു. മുഖ്യമന്ത്രി തിരഞ്ഞെടുപ്പില്‍ സീനിയോറിറ്റി മാനദണ്ഡമാക്കണമോയെന്ന് തീരുമാനിക്കേണ്ടത് പാര്‍ട്ടിയാണെന്നും, തനിക്ക് മതിയായ എംഎല്‍എമാരുടെ പിന്തുണ ലഭിക്കുമെന്നാണ് പ്രതീക്ഷയെന്നും ചെന്നിത്തല വ്യക്തമാക്കി. പാര്‍ട്ടി നീതിപൂര്‍വമായ തീരുമാനം എടുക്കുമെന്നും അദ്ദേഹം കൂട്ടിച്ചേര്‍ത്തു. മുഖ്യമന്ത്രിയെ തീരുമാനിക്കുന്നത് പാര്‍ട്ടി അധ്യക്ഷന്റെ അധികാരപരിധിയിലായിരിക്കാമെന്നും, അല്ലെങ്കില്‍ എംഎല്‍എമാരുടെ പിന്തുണയുടെ അടിസ്ഥാനത്തിലായിരിക്കാമെന്നും അദ്ദേഹം പറഞ്ഞു. ഘടകകക്ഷികളുമായി യാതൊരു തര്‍ക്കവും ഉണ്ടാകില്ലെന്നും, ആരും ക്യാമ്പെയ്‌നിംഗ് നടത്തുന്നില്ലെന്നും അദ്ദേഹം വ്യക്തമാക്കി. എല്ലാവരെയും മന്ത്രിയാക്കാന്‍ കഴിയില്ലെന്നും അദ്ദേഹം ഓര്‍മ്മിപ്പിച്ചു.

സംസ്ഥാനത്ത് ശക്തമായ ഭരണവിരുദ്ധ വികാരം നിലനിന്നിരുന്നുവെന്നും ജനങ്ങള്‍ വാശിയോടെ Pinarayi Vijayan സര്‍ക്കാരിനെതിരായി പ്രതികരിച്ചുവെന്നും ചെന്നിത്തല ആരോപിച്ചു. 80-ല്‍ അധികം സീറ്റുകള്‍ യുഡിഎഫിന് ലഭിക്കുമെന്നാണ് പ്രതീക്ഷിച്ചിരുന്നതെങ്കിലും, തെരഞ്ഞെടുപ്പ് ഫലം യുഡിഎഫിന്റെ പോസിറ്റീവ് അജണ്ടയ്ക്ക് ലഭിച്ച അംഗീകാരമാണെന്നും അദ്ദേഹം പറഞ്ഞു. ധര്‍മ്മടത്ത് യഥാര്‍ത്ഥ എംഎല്‍എ വി.പി. അബ്ദുള്‍ റഷീദ് ആണെന്ന നിലപാടും അദ്ദേഹം ആവര്‍ത്തിച്ചു. എംപിമാരെ നിയമസഭാ തെരഞ്ഞെടുപ്പില്‍ മത്സരിപ്പിക്കേണ്ടതില്ലെന്നത് കൂട്ടായ തീരുമാനം ആയിരുന്നുവെന്നും, എംപിമാരുടെ കാര്യത്തില്‍ അന്തിമ തീരുമാനം ഹൈക്കമാന്‍ഡ് എടുക്കേണ്ടതാണെന്നും ചെന്നിത്തല വ്യക്തമാക്കി. സമുദായ നേതാക്കളുടെ പ്രസ്താവനകള്‍ക്ക് അനുസരിച്ച് മറുപടി പറയേണ്ടതില്ലെന്നും, അതില്‍ യോജിപ്പ് ഉണ്ടെന്നര്‍ത്ഥമല്ലെന്നും അദ്ദേഹം പറഞ്ഞു. യഥാര്‍ത്ഥ കമ്മ്യൂണിസ്റ്റുകാര്‍ യുഡിഎഫിന് വോട്ട് ചെയ്തതായും ചെന്നിത്തല അവകാശപ്പെട്ടു. 2011-ല്‍ സീനിയര്‍ നേതാവായ Oommen Chandyയെ മുഖ്യമന്ത്രി സ്ഥാനത്തേക്ക് നിര്‍ദേശിച്ചതും താനാണെന്ന് അദ്ദേഹം ഓര്‍മ്മിപ്പിച്ചു.