വയനാട്: മുഖ്യമന്ത്രി സ്ഥാനത്തെ ചൊല്ലിയുള്ള കോണ്‍ഗ്രസ് ചര്‍ച്ചകള്‍ക്കിടെ എഐസിസി ജനറല്‍ സെക്രട്ടറി K. C. Venugopal നെതിരെ വയനാട്ടില്‍ പോസ്റ്റര്‍ പ്രത്യക്ഷപ്പെട്ടു. കെസി വേണുഗോപാലിനെ മുഖ്യമന്ത്രിയായി പിന്തുണച്ചാല്‍ കേരളത്തിലെ ജനങ്ങള്‍ മാപ്പ് തരില്ലെന്നും വയനാട് അടുത്ത അമേഠിയായി മാറുമെന്നുമാണ് പോസ്റ്ററിലെ മുന്നറിയിപ്പ്. ഇംഗ്ലീഷില്‍ എഴുതിയ പോസ്റ്ററുകള്‍ വയനാട് ഡിസിസി ഓഫീസിന് സമീപമാണ് പതിപ്പിച്ചിരിക്കുന്നത്. ''ഇത് ഒരു ഭീഷണിയല്ല. വിഡ്ഢിത്തത്തിന് കേരളം ഒരിക്കലും മാപ്പ് തരില്ല'' എന്ന പരാമര്‍ശവും പോസ്റ്ററിലുണ്ട്.

അതേസമയം, മുഖ്യമന്ത്രി തിരഞ്ഞെടുപ്പ് ചര്‍ച്ചകളില്‍ മുസ്ലിം ലീഗിന്റെ ഇടപെടലിനെതിരെ ചില ക്രൈസ്തവ സഭകളും രംഗത്തെത്തി. കോണ്‍ഗ്രസ് നേതാവ് V. D. Satheesan നെ മുഖ്യമന്ത്രിയാക്കാന്‍ തീവ്ര നിലപാടുള്ള സംഘടനകള്‍ക്കായി ലീഗ് വഴിവിട്ട ഇടപെടല്‍ നടത്തുകയാണെന്ന ആരോപണമാണ് സഭാ പ്രതിനിധികള്‍ ഉയര്‍ത്തുന്നത്. നിയുക്ത എംഎല്‍എമാരെ ഭീഷണിപ്പെടുത്തിയും സമ്മര്‍ദത്തിലാക്കിയും വീഡിയോകള്‍ പ്രചരിപ്പിക്കുന്നുവെന്നും സഭകള്‍ ആരോപിക്കുന്നു. ഇതിന് പിന്നില്‍ Jamaat-e-Islami Hind, Social Democratic Party of India അടക്കമുള്ള സംഘടനകളുണ്ടെന്നുമാണ് ആരോപണം. ''ഇക്കാര്യത്തില്‍ ചിലര്‍ക്കു വ്യക്തമായ അജന്‍ഡയുണ്ട്. ഹൈക്കമാന്‍ഡ് തീരുമാനത്തിനെതിരെ ലോബിയിങ് നടത്തുന്നത് ശരിയല്ല. കോണ്‍ഗ്രസ് നേതൃത്വം ഇതിന് തടയിടണം,'' എന്ന് ഫാദര്‍ ഫിലിപ്പ് കവിയില്‍ മാധ്യമങ്ങളോട് പറഞ്ഞു.