ന്യൂഡല്ഹി: ഡല്ഹിയില് സ്ലീപ്പര് ബസിനുള്ളില് യുവതിയെ ഡ്രൈവറും കണ്ടക്ടറും ചേര്ന്ന് ബലാത്സംഗം ചെയ്തതായി പരാതി. ഇന്നലെയാണ് സംഭവം നടന്നതെന്നാണ് പൊലീസ് വ്യക്തമാക്കുന്നത്. സംഭവത്തിന് പിന്നാലെ യുവതി പൊലീസില് പരാതി നല്കുകയായിരുന്നു. യുവതിയുടെ മൊഴിയുടെ അടിസ്ഥാനത്തില് എഫ്ഐആര് രജിസ്റ്റര് ചെയ്ത് രണ്ട് പ്രതികളെയും അറസ്റ്റ് ചെയ്തതായി പൊലീസ് അറിയിച്ചു. അന്വേഷണത്തിന്റെ ഭാഗമായി സംഭവം നടന്നതായി പറയുന്ന സ്ലീപ്പര് ബസും പൊലീസ് പിടിച്ചെടുത്തിട്ടുണ്ട്. സംഭവത്തില് വിശദമായ അന്വേഷണം പുരോഗമിക്കുകയാണെന്നും കൂടുതല് വിവരങ്ങള് ശേഖരിച്ചുവരികയാണെന്നും പൊലീസ് പി.ടി.ഐയോട് അറിയിച്ചു.
