തിരുവനന്തപുരം: തന്റെ സഞ്ചാരത്തിനായി പൊതുജനങ്ങളെ വഴിയില്‍ തടയുന്ന രീതി ഒഴിവാക്കണമെന്ന് നിയുക്ത മുഖ്യമന്ത്രി V. D. Satheesan. സംസ്ഥാന ഡിജിപിക്കാണ് അദ്ദേഹം നേരിട്ട് നിര്‍ദേശം നല്‍കിയത്. നിലവിലെ വിപുലമായ സുരക്ഷാ സന്നാഹങ്ങള്‍ വേണ്ടെന്നും പൈലറ്റും എസ്‌കോര്‍ട്ട് വാഹനവും ഓരോന്ന് വീതം മതിയെന്നും സതീശന്‍ വ്യക്തമാക്കിയതായി റിപ്പോര്‍ട്ട്. വാഹനവ്യൂഹത്തില്‍ ആകെ മൂന്ന് വാഹനങ്ങള്‍ മാത്രമേ ഉണ്ടാകാവൂവെന്നും അദ്ദേഹം നിര്‍ദേശിച്ചു. മുന്‍ മുഖ്യമന്ത്രി Pinarayi Vijayan ന്റെ സുരക്ഷാ സംവിധാനങ്ങള്‍ മുന്‍പ് വലിയ രാഷ്ട്രീയ വിവാദങ്ങള്‍ക്കും ജനരോഷത്തിനും കാരണമായിരുന്നു. സെഡ് പ്ലസ് (Z+) സുരക്ഷയുടെ ഭാഗമായി തലസ്ഥാന നഗരിയില്‍ വ്യാപക നിയന്ത്രണങ്ങളാണ് ഏര്‍പ്പെടുത്തിയിരുന്നത്.

കിയ കാര്‍ണിവല്‍ ഉള്‍പ്പെടെയുള്ള ആഡംബര വാഹനങ്ങള്‍, മൂന്ന് ഇന്നോവ ക്രിസ്റ്റകള്‍, ആംബുലന്‍സ്, സ്‌ട്രൈക്കര്‍ ഫോഴ്‌സ് എന്നിവ ഉള്‍പ്പെടുന്ന വലിയ വാഹനവ്യൂഹമാണ് പിണറായി വിജയനെ അനുഗമിച്ചിരുന്നത്. മുഖ്യമന്ത്രി വസതിയില്‍ നിന്ന് സെക്രട്ടേറിയറ്റിലേക്ക് എത്തുമ്പോള്‍ പ്രധാന റോഡുകള്‍ അടയ്ക്കുകയും ഇടറോഡുകളില്‍ നൂറു മീറ്റര്‍ ഇടവിട്ട് പൊലീസിനെ വിന്യസിക്കുകയും ചെയ്തിരുന്നതായി വിമര്‍ശനമുണ്ടായിരുന്നു. മുഖ്യമന്ത്രിയുടെ ഓഫീസിന്റെ ആവശ്യപ്രകാരമായിരുന്നു അഡ്വാന്‍സ് പൈലറ്റ് സംവിധാനം ഉള്‍പ്പെടെ നടപ്പിലാക്കിയിരുന്നത്. അതേസമയം, മുഖ്യമന്ത്രിയുടെ നിര്‍ദേശമുണ്ടെങ്കിലും സുരക്ഷ പൂര്‍ണമായി ഒഴിവാക്കാനാകില്ലെന്ന നിലപാടിലാണ് Kerala DGP. ഇന്റലിജന്‍സ് റിപ്പോര്‍ട്ടുകളുടെ അടിസ്ഥാനത്തിലാണ് സുരക്ഷാ ക്രമീകരണങ്ങള്‍ നിശ്ചയിക്കുന്നതെന്നും, എന്നാല്‍ ജനങ്ങളെ ബുദ്ധിമുട്ടിക്കാതെ സുരക്ഷ ഉറപ്പാക്കാനുള്ള പുതിയ പ്രോട്ടോക്കോള്‍ പൊലീസ് തയ്യാറാക്കുമെന്നും സൂചനയുണ്ട്.