തിരുവനന്തപുരം: പുതിയ യുഡിഎഫ് സര്‍ക്കാരിലെ മുഖ്യമന്ത്രി സ്ഥാനത്തെ ചൊല്ലി കോണ്‍ഗ്രസിനകത്ത് രൂപപ്പെട്ട ഭിന്നതകള്‍ ഉടന്‍ പരിഹരിക്കപ്പെടുമെന്ന് T. Siddique. എഐസിസി ജനറല്‍ സെക്രട്ടറി K. C. Venugopal നുമായി കൂടിക്കാഴ്ച നടത്താനായി തലസ്ഥാനത്തെത്തിയപ്പോഴായിരുന്നു അദ്ദേഹത്തിന്റെ പ്രതികരണം. നിയുക്ത മുഖ്യമന്ത്രിയും പാര്‍ട്ടി നേതൃത്വവും എല്ലാവരുടെയും അഭിപ്രായങ്ങള്‍ കേട്ട് പ്രശ്‌നങ്ങള്‍ക്ക് പരിഹാരം കാണുമെന്നും സിദ്ദിഖ് പറഞ്ഞു. മുഖ്യമന്ത്രി പദവി ലഭിക്കാത്തതിലുള്ള Ramesh Chennithala യുടെ അതൃപ്തിയെയും മുഖ്യമന്ത്രിയെ തീരുമാനിക്കുന്നത് വൈകിയതിനെക്കുറിച്ചുമുള്ള ചോദ്യങ്ങള്‍ക്ക് മറുപടിയായാണ് പാര്‍ട്ടിയിലെ ആഭ്യന്തര തര്‍ക്കങ്ങളെ അദ്ദേഹം ''പ്രസവവേദന''യുമായി ഉപമിച്ചത്.

''ഒരു പ്രസവത്തെക്കുറിച്ച് സംസാരിക്കുന്നത് എളുപ്പമായിരിക്കാം. എന്നാല്‍ ഒരു അമ്മയ്ക്ക് അതിലൂടെ കടന്നുപോകാന്‍ വലിയ മാനസികവും ശാരീരികവുമായ വേദന സഹിക്കേണ്ടി വരും. ഇപ്പോള്‍ നടക്കുന്ന ചര്‍ച്ചകളും ആസൂത്രണങ്ങളും നല്ലൊരു കുഞ്ഞിന്റെ ജനനം ഉറപ്പാക്കാനുള്ള ശ്രമങ്ങളാണ്,'' എന്നാണ് സിദ്ദിഖിന്റെ പ്രതികരണം. എല്ലാ പ്രശ്‌നങ്ങളും ചര്‍ച്ചകളിലൂടെ പരിഹരിക്കപ്പെടുമെന്നും അദ്ദേഹം ആവര്‍ത്തിച്ചു. പുതിയ മന്ത്രിസഭയില്‍ അംഗമാകുമോയെന്ന ചോദ്യത്തിന്, മന്ത്രിസ്ഥാനം സംബന്ധിച്ച അന്തിമ തീരുമാനം പാര്‍ട്ടി നേതൃത്വമാണ് എടുക്കുകയെന്ന് കല്‍പ്പറ്റ എംഎല്‍എ വ്യക്തമാക്കി. V. D. Satheesan ന്റെ നേതൃത്വത്തിലുള്ള പുതിയ യുഡിഎഫ് മന്ത്രിസഭയുടെ സത്യപ്രതിജ്ഞാ ചടങ്ങ് തിങ്കളാഴ്ച തലസ്ഥാനത്ത് നടക്കാനിരിക്കുകയാണ്. ഇതിന് മുന്നോടിയായി മന്ത്രിമാരുടെ പട്ടികയ്ക്ക് അന്തിമരൂപം നല്‍കാനുള്ള ചര്‍ച്ചകള്‍ കോണ്‍ഗ്രസിലും യുഡിഎഫിലും പുരോഗമിക്കുകയാണ്.