തിരുവനന്തപുരം: V. D. Satheesan നേതൃത്വത്തിലുള്ള പുതിയ സര്‍ക്കാരിന്റെ സത്യപ്രതിജ്ഞാ ചടങ്ങിലേക്ക് മണിക്കൂറുകള്‍ മാത്രം ബാക്കി നില്‍ക്കെ, ചടങ്ങില്‍ 'വന്ദേമാതരം' ആലപിക്കുമോയെന്ന ചര്‍ച്ചയാണ് രാഷ്ട്രീയ-ഭരണ വൃത്തങ്ങളില്‍ സജീവമാകുന്നത്. അയല്‍ സംസ്ഥാനമായ Tamil Naduയില്‍ പുതിയ സര്‍ക്കാര്‍ അധികാരമേറ്റ ചടങ്ങിനോടനുബന്ധിച്ച് ഉയര്‍ന്ന വിവാദത്തിന്റെ പശ്ചാത്തലത്തിലാണ് കേരളത്തിലും വിഷയം ശ്രദ്ധേയമാകുന്നത്. കഴിഞ്ഞ മെയ് 10-ന് നടന്‍ Joseph Vijayയുടെ നേതൃത്വത്തിലുള്ള സര്‍ക്കാര്‍ തമിഴ്നാട്ടില്‍ അധികാരമേറ്റ ചടങ്ങ് 'വന്ദേമാതരം' ആലപിച്ചുകൊണ്ടാണ് ആരംഭിച്ചത്. സംസ്ഥാന ഗാനമായ 'തമിഴ് തായ് വാഴ്ത്ത്' ആലപിച്ച് ചടങ്ങ് ആരംഭിക്കുകയും ദേശീയഗാനത്തോടെ അവസാനിപ്പിക്കുകയും ചെയ്യുന്നതാണ് തമിഴ്നാട്ടിലെ പതിവ്. എന്നാല്‍ ആ ക്രമം മാറ്റിയതിനെതിരെ Dravida Munnetra Kazhagam ഉള്‍പ്പെടെയുള്ള രാഷ്ട്രീയ കക്ഷികള്‍ പ്രതിഷേധവുമായി രംഗത്തെത്തിയിരുന്നു.

കേന്ദ്ര ആഭ്യന്തര മന്ത്രാലയത്തിന്റെ പുതിയ നിര്‍ദ്ദേശപ്രകാരമാണ് രാജ്ഭവന്റെ ആവശ്യത്തെ തുടര്‍ന്ന് വന്ദേമാതരം ഉള്‍പ്പെടുത്തിയതെന്നായിരുന്നു തമിഴ്നാട് സര്‍ക്കാര്‍ വൃത്തങ്ങളുടെ വിശദീകരണം. നിലവില്‍ തമിഴ്നാടിന്റെ അധിക ചുമതലയും വഹിക്കുന്ന കേരള ഗവര്‍ണര്‍ Rajendra Vishwanath Arlekarയാണ് ചെന്നൈയില്‍ വിജയ് സര്‍ക്കാരിന് സത്യവാചകം ചൊല്ലിക്കൊടുത്തത്. അതേ ഗവര്‍ണര്‍ തന്നെയാണ് തിങ്കളാഴ്ച തിരുവനന്തപുരത്തും പുതിയ മന്ത്രിസഭയ്ക്ക് സത്യവാചകം ചൊല്ലിക്കൊടുക്കുന്നത്.

അതേസമയം, മെയ് 11-ന് West Bengalയില്‍ Suvendu Adhikariയുടെ നേതൃത്വത്തിലുള്ള ആദ്യ ബിജെപി സര്‍ക്കാര്‍ അധികാരമേറ്റ ചടങ്ങില്‍ വന്ദേമാതരം ആലപിച്ചിരുന്നില്ല. പ്രധാനമന്ത്രി Narendra Modiയും ആഭ്യന്തര മന്ത്രി Amit Shahയും പങ്കെടുത്ത ചടങ്ങായിരുന്നിട്ടും ഗാനം ഒഴിവാക്കപ്പെട്ടത് രാഷ്ട്രീയ ചര്‍ച്ചകള്‍ക്ക് വഴിവെച്ചിരുന്നു. Rabindranath Tagoreയുടെ ജന്മവാര്‍ഷിക ദിനത്തില്‍ നടന്ന ചടങ്ങില്‍ ടാഗോറിന്റെ ചിത്രത്തിന് മുന്നിലായിരുന്നു സത്യപ്രതിജ്ഞ.

വന്ദേമാതരത്തിന്റെ 150-ാം വാര്‍ഷികത്തോടനുബന്ധിച്ച് 2026 ജനുവരിയില്‍ കേന്ദ്ര സര്‍ക്കാര്‍ പുറപ്പെടുവിച്ച പുതിയ ഉത്തരവില്‍ ഔദ്യോഗിക ചടങ്ങുകളില്‍ വന്ദേമാതരത്തിന്റെ പൂര്‍ണ്ണരൂപം ആലപിക്കുന്നത് പ്രോത്സാഹിപ്പിക്കണമെന്ന് നിര്‍ദ്ദേശമുണ്ട്. ദേശീയഗാനത്തിന് നല്‍കുന്ന അതേ ബഹുമാനവും പ്രോട്ടോക്കോളും വന്ദേമാതരത്തിനും നല്‍കുന്ന തരത്തില്‍ നിയമഭേദഗതികള്‍ക്കും കേന്ദ്ര മന്ത്രിസഭ അംഗീകാരം നല്‍കിയിട്ടുണ്ട്. പുതിയ പ്രോട്ടോക്കോള്‍ പ്രകാരം ഗവര്‍ണര്‍ പങ്കെടുക്കുന്ന ഔദ്യോഗിക ചടങ്ങുകളില്‍ ഗവര്‍ണര്‍ എത്തുമ്പോഴും മടങ്ങുമ്പോഴും വന്ദേമാതരത്തിന്റെ പൂര്‍ണ്ണരൂപം ആലപിക്കേണ്ടതുണ്ട്. ഗാനം ആലപിക്കുന്ന സമയത്ത് ദേശീയഗാനത്തിന് നല്‍കുന്ന അതേ രീതിയിലുള്ള ആദരവ് പാലിക്കണമെന്നും നിര്‍ദ്ദേശമുണ്ട്. അതേസമയം, തിങ്കളാഴ്ച തിരുവനന്തപുരത്ത് നടക്കുന്ന ചടങ്ങില്‍ ഈ പ്രോട്ടോക്കോള്‍ എങ്ങനെ നടപ്പിലാക്കുമെന്നതും 'വന്ദേമാതരം' ഉള്‍പ്പെടുമോയെന്നതുമാണ് ഇപ്പോള്‍ രാഷ്ട്രീയ കേരളം ഉറ്റുനോക്കുന്നത്.