തിരുവനന്തപുരം: കേരളത്തിന്റെ പതിമൂന്നാമത് മുഖ്യമന്ത്രിയായി V. D. Satheesan സത്യപ്രതിജ്ഞ ചെയ്ത ചടങ്ങില്‍ മന്ത്രിസഭയിലെ ഭൂരിഭാഗം അംഗങ്ങളും ''ദൈവനാമത്തില്‍'' സത്യപ്രതിജ്ഞ ചെയ്തപ്പോള്‍, Shibu Baby John, C. P. John എന്നിവര്‍ ''സഗൗരവം'' എന്ന രീതിയിലാണ് സത്യപ്രതിജ്ഞ ചെയ്തത്. ഇത് രണ്ടാം തവണയാണ് ഷിബു ബേബി ജോണ്‍ മന്ത്രിയാകുന്നത്. 2011ലെ Oommen Chandy മന്ത്രിസഭയിലും അദ്ദേഹം അംഗമായിരുന്നു. Revolutionary Socialist Party സംസ്ഥാന സെക്രട്ടറിയായ ഷിബു ബേബി ജോണ്‍ ചവറയില്‍ നിന്ന് മൂന്നാം തവണയാണ് നിയമസഭയിലെത്തുന്നത്. 2016ലും 2021ലും ചവറയില്‍ നിന്ന് പരാജയപ്പെട്ട ശേഷമാണ് ഇത്തവണ വീണ്ടും വിജയം നേടിയത്.

സിപി ജോണ്‍ ആദ്യമായാണ് എംഎല്‍എയും മന്ത്രിയുമായി സത്യപ്രതിജ്ഞ ചെയ്യുന്നത്. Communist Marxist Party യെ പ്രതിനിധീകരിച്ച് എം.വി. രാഘവന് ശേഷം നിയമസഭയിലെത്തുന്ന ആദ്യ അംഗവുമാണ് അദ്ദേഹം. വിദ്യാര്‍ഥി രാഷ്ട്രീയത്തിലൂടെയായിരുന്നു സിപി ജോണിന്റെ രാഷ്ട്രീയ പ്രവേശനം. തിരുവനന്തപുരം മണ്ഡലത്തില്‍ Sudheer Karamana യെ പരാജയപ്പെടുത്തിയാണ് അദ്ദേഹം വിജയിച്ചത്. മുഖ്യമന്ത്രി വി.ഡി. സതീശന് പുറമെ P. K. Kunhalikutty, Ramesh Chennithala, Sunny Joseph, K. Muraleedharan, Mons Joseph, Anoop Jacob, A. P. Anil Kumar, N. Shamsudheen, P. C. Vishnunadh, Roji M. John, Bindu Krishna, M. Liju, K. M. Shaji, P. K. Basheer, V. E. Abdul Gafoor, T. Siddique, K. A. Thulasi, O. J. Janish എന്നിവര്‍ ദൈവനാമത്തിലാണ് സത്യപ്രതിജ്ഞ ചെയ്തത്. മുഖ്യമന്ത്രിക്ക് പിന്നാലെ ആദ്യം സത്യപ്രതിജ്ഞ ചെയ്തത് പി.കെ. കുഞ്ഞാലിക്കുട്ടിയായിരുന്നു. ഏറ്റവും ഒടുവില്‍ സത്യപ്രതിജ്ഞ ചെയ്തത് ഒ.ജെ. ജനീഷുമാണ്.