ന്യൂഡല്‍ഹി: കേരളത്തില്‍ യുഡിഎഫ് വീണ്ടും അധികാരത്തിലെത്തിയെങ്കിലും രാജ്യവ്യാപകമായി പരിശോധിക്കുമ്പോള്‍ Indian National Congress ന്റെ രാഷ്ട്രീയ ഗ്രാഫില്‍ വലിയ പുരോഗതിയില്ലെന്ന റിപ്പോര്‍ട്ട്. കേരളത്തില്‍ കോണ്‍ഗ്രസ് എംഎല്‍എമാരുടെ എണ്ണം വര്‍ധിച്ചെങ്കിലും, രാജ്യത്തെ മൊത്തം എംഎല്‍എ കണക്കുകള്‍ പാര്‍ട്ടിക്ക് ആശ്വാസകരമല്ലെന്നാണ് വിലയിരുത്തല്‍. കേരളത്തോടൊപ്പം നടന്ന Assam നിയമസഭാ തിരഞ്ഞെടുപ്പില്‍ കോണ്‍ഗ്രസ് എംഎല്‍എമാരുടെ എണ്ണം 29ല്‍ നിന്ന് 19 ആയി കുറഞ്ഞു. 2007ല്‍ Rahul Gandhi എഐസിസി ജനറല്‍ സെക്രട്ടറിയായി ദേശീയ നേതൃത്വത്തിലേക്ക് എത്തിയ സമയത്ത് രാജ്യത്ത് കോണ്‍ഗ്രസിന് 1,204 എംഎല്‍എമാരുണ്ടായിരുന്നു. എന്നാല്‍ 2026ലെ കണക്കുകള്‍ പ്രകാരം ഇത് 676 ആയി കുറഞ്ഞു. ഏകദേശം 44 ശതമാനത്തിന്റെ ഇടിവാണിതെന്ന് റിപ്പോര്‍ട്ടില്‍ പറയുന്നു.

അതേസമയം Bharatiya Janata Party ഇതേ കാലയളവില്‍ 101 ശതമാനം വളര്‍ച്ചയാണ് രേഖപ്പെടുത്തിയത്. 2008ല്‍ 889 എംഎല്‍എമാര്‍ ഉണ്ടായിരുന്ന ബിജെപിക്ക് 2026ല്‍ 1,787 എംഎല്‍എമാരായി ഉയരാനായി. ഇന്ന് രാജ്യത്താകെ ഉള്ള 4,120 എംഎല്‍എമാരില്‍ ഏകദേശം പകുതി ബിജെപിയില്‍ നിന്നുള്ളവരാണ്. കോണ്‍ഗ്രസിന്റെ വിഹിതമാകട്ടെ ആറില്‍ ഒന്ന് മാത്രമാണെന്നും റിപ്പോര്‍ട്ട് വ്യക്തമാക്കുന്നു. നിയമസഭാ തിരഞ്ഞെടുപ്പുകളില്‍ നേരിട്ട് വിജയിച്ച സ്ഥാനാര്‍ഥികളുടെ അടിസ്ഥാനത്തിലുള്ള കണക്കുകളാണിതെന്നും, പിന്നീട് നടന്ന കൂറുമാറ്റങ്ങളോ ഉപതിരഞ്ഞെടുപ്പുകളോ ഇതില്‍ ഉള്‍പ്പെടുത്തിയിട്ടില്ലെന്നും റിപ്പോര്‍ട്ടില്‍ ചൂണ്ടിക്കാണിക്കുന്നു. 2008ന് ശേഷം കോണ്‍ഗ്രസിന് 1,200ലധികം എംഎല്‍എമാരെ നേടാനായത് 2012ല്‍ മാത്രമാണ്. അന്ന് 1,224 എംഎല്‍എമാരായിരുന്നു പാര്‍ട്ടിക്കുണ്ടായിരുന്നത്. എന്നാല്‍ 2014ഓടെ അത് 911 ആയി കുറഞ്ഞു.

2013-14 കാലഘട്ടത്തിലാണ് എംഎല്‍എമാരുടെ എണ്ണത്തില്‍ ബിജെപി കോണ്‍ഗ്രസിനെ മറികടക്കാന്‍ തുടങ്ങിയത്. അതിനുശേഷം ബിജെപി ഉയരത്തിലേക്കും കോണ്‍ഗ്രസ് താഴോട്ടുമുള്ള യാത്ര തുടരുകയാണെന്നാണ് രാഷ്ട്രീയ നിരീക്ഷകരുടെ വിലയിരുത്തല്‍. 2013 ജനുവരിയില്‍ രാഹുല്‍ ഗാന്ധി കോണ്‍ഗ്രസ് വൈസ് പ്രസിഡന്റായി ചുമതലയേറ്റതോടെ Sonia Gandhi പ്രതീകാത്മക നേതൃത്വത്തിലേക്ക് മാറിയെന്നും സംഘടന കാര്യങ്ങളില്‍ രാഹുലിന്റെ സ്വാധീനം വര്‍ധിച്ചെന്നും റിപ്പോര്‍ട്ട് ചൂണ്ടിക്കാട്ടുന്നു. 2017ല്‍ അദ്ദേഹം പാര്‍ട്ടി പ്രസിഡന്റായെങ്കിലും 2019 ലോക്‌സഭാ തിരഞ്ഞെടുപ്പിലെ തോല്‍വിക്ക് പിന്നാലെ രാജിവച്ചു. തുടര്‍ന്ന് സോണിയ ഗാന്ധി ഇടക്കാല അധ്യക്ഷയായി തിരിച്ചെത്തി. 2022 ഒക്ടോബറില്‍ Mallikarjun Kharge പാര്‍ട്ടി അധ്യക്ഷനായി. ഔദ്യോഗിക പദവികളൊന്നും ഇപ്പോള്‍ വഹിക്കാത്തതായിരുന്നാലും പാര്‍ട്ടിയിലെ പ്രധാന തീരുമാനങ്ങളില്‍ ഇപ്പോഴും രാഹുല്‍ ഗാന്ധിക്കാണ് നിര്‍ണായക സ്വാധീനമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. നിലവില്‍ അദ്ദേഹം ലോക്‌സഭയിലെ പ്രതിപക്ഷ നേതാവാണ്.