Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Wed 18th Nov 2026
 
 
വാര്‍ത്തകള്‍
  Add your Comment comment
ഗ്യാനേഷ് കുമാറിനെ സസ്പെന്‍ഡ് ചെയ്യാന്‍ ഇടക്കാല ഉത്തരവില്ല; തെരഞ്ഞെടുപ്പ് കമ്മീഷന് സുപ്രീംകോടതി നോട്ടീസ്
reporter

ന്യൂഡല്‍ഹി: മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെ സസ്പെന്‍ഡ് ചെയ്യണമെന്ന ആവശ്യത്തില്‍ ഇടക്കാല ഉത്തരവിടാന്‍ സുപ്രീംകോടതി വിസമ്മതിച്ചു. മറ്റ് രണ്ട് കമ്മീഷണര്‍മാരുമായി കൂടിയാലോചിക്കാതെ തീരുമാനങ്ങളെടുത്തെന്ന ആരോപണങ്ങളില്‍ തെരഞ്ഞെടുപ്പ് കമ്മീഷന്റെ വിശദീകരണം തേടി കോടതി നോട്ടീസ് അയച്ചു. ചീഫ് ജസ്റ്റിസ് സൂര്യകാന്തിന്റെ നേതൃത്വത്തിലുള്ള ബെഞ്ചാണ് ഹര്‍ജികള്‍ പരിഗണിച്ചത്. വോട്ടര്‍പട്ടികയുടെ പ്രത്യേക തീവ്രപരിഷ്‌കരണവുമായി ബന്ധപ്പെട്ട തീരുമാനങ്ങളില്‍ കൂട്ടായ തീരുമാനമെടുക്കല്‍ പാലിച്ചില്ലെന്നാണ് ഹര്‍ജിക്കാരുടെ ആരോപണം. ആരോപണങ്ങളുടെ ശരിതെറ്റില്‍ കോടതി അന്തിമനിഗമനത്തിലെത്തിയിട്ടില്ല.

പത്രവാര്‍ത്തയെ മാത്രം അടിസ്ഥാനമാക്കി ഇടക്കാല ഉത്തരവ് പുറപ്പെടുവിക്കാനാകില്ലെന്നും ആധികാരിക വിവരങ്ങള്‍ ആവശ്യമാണെന്നും കോടതി വ്യക്തമാക്കി. ബന്ധപ്പെട്ടവരുടെ മറുപടി ലഭിച്ചശേഷം വിവാദ തീരുമാനങ്ങള്‍ പരിശോധിക്കാമെന്ന നിലപാടാണ് ബെഞ്ച് സ്വീകരിച്ചത്. അതേസമയം, വോട്ടര്‍പട്ടിക പരിഷ്‌കരണത്തിന്റെ സമയക്രമവുമായി ബന്ധപ്പെട്ട തീരുമാനങ്ങള്‍ ഏകകണ്ഠമായിരുന്നുവെന്നാണ് തെരഞ്ഞെടുപ്പ് കമ്മീഷന്റെ വിശദീകരണം. കരട് ഘട്ടത്തിലെ അഭിപ്രായങ്ങളും നിര്‍ദേശങ്ങളും സാധാരണ നടപടിക്രമങ്ങളുടെ ഭാഗമാണെന്നും കമ്മീഷന്‍ വ്യക്തമാക്കി.

 
Other News in this category

 
 




 
Close Window