ദുബൈ: യുഎഇ ദിര്‍ഹത്തിനെതിരെ ഇന്ത്യന്‍ രൂപയുടെ മൂല്യം കുത്തനെ ഇടിഞ്ഞ് 23.88 ആയി, കുവൈത്ത് ദിനാര്‍ 286.72 രൂപയുമായി. ഇന്ത്യന്‍ പ്രവാസികള്‍ക്ക് ഇന്ത്യയിലേക്ക് പണമയക്കാന്‍ ഏറ്റവും അനുയോജ്യമായ സമയമാണിത്. ജൂലൈ മാസത്തില്‍ ഭൂരിഭാഗം ദിവസങ്ങളിലും രൂപയുടെ മൂല്യം 23.2 മുതല്‍ 23.3 വരെ സ്ഥിരമായിരുന്നു. എന്നാല്‍, ഈ ആഴ്ച രൂപയുടെ മൂല്യം ഗണ്യമായി ഇടിഞ്ഞു - നാട്ടിലേക്ക് പണം വൈകി അയച്ചവര്‍ക്ക്, ഇത് നേട്ടം നല്‍കി. വ്യാപാര രം?ഗത്ത് യു എസ് താരിഫ് വര്‍ദ്ധിപ്പിക്കുമെന്ന ആശങ്ക ഇന്ത്യന്‍ വിപണികളില്‍ ഉണ്ടായ ചാഞ്ചാട്ടത്തിന് രൂപയുടെ മേല്‍ സമ്മര്‍ദ്ദം വര്‍ദ്ധിപ്പിക്കുകയും ചെയ്തതോടെയാണ് പ്രവാസികള്‍ക്ക് ഈ നേട്ടം ലഭിച്ചത്. യുഎഇ എക്‌സ്‌ചേഞ്ച് ഹൗസുകള്‍ ഇപ്പോള്‍ 23.7-23.8 നിലവാരമാണ് പറയുന്നത്, ഫെബ്രുവരിയില്‍ അവസാനമായി ഈ പ്രവണത കണ്ടിരുന്നു. ഈ വര്‍ഷം ആദ്യം ദിര്‍ഹമിനെതിരെ കറന്‍സിയുടെ എക്കാലത്തെയും താഴ്ന്ന വിനിമയ നിരക്കായ 23.92 ന് അടുത്താണിത് - ആ നില ചെറിയൊരു കാലം മാത്രമേ നീണ്ടുനിന്നുള്ളൂ.

കുവൈത്തിലും യു എ ഇയിലും മാത്രമല്ല, ഖത്തര്‍, ബഹറൈന്‍, സൗദി തുടങ്ങിയ രാജ്യങ്ങളിലെ കറന്‍സികളും കൂടുതല്‍ കരുത്ത്കാട്ടിയ ദിവസമാണിന്ന്. ഈ പ്രവണത പ്രവാസികള്‍ക്ക് കൂടുതല്‍ നേട്ടം നല്‍കുന്നതിനാല്‍ കൂടുതല്‍ പേര്‍ നാട്ടിലേക്ക് പണമയ്ക്കുന്നുണ്ട്. 'കഴിഞ്ഞ കുറച്ച് ദിവസങ്ങളായി രൂപയുടെ മൂല്യം പെട്ടെന്ന് ഇടിഞ്ഞു, 2025 ല്‍ ഇതുവരെ ഇന്ത്യന്‍ പ്രവാസികള്‍ക്ക് ഏറ്റവും അനുകൂലമായ പണമടയ്ക്കല്‍ അവസരങ്ങളില്‍ ഒന്നാണിത്,'' ദുബായ് ആസ്ഥാനമായുള്ള കറന്‍സി വ്യാപാരിയെ ഉദ്ധരിച്ച് ഗള്‍ഫ് ന്യൂസ് റിപ്പോര്‍ട്ട് ചെയ്യുന്നു. യുഎസ്-ഇന്ത്യ വ്യാപാര കരാര്‍ യാഥാര്‍ത്ഥ്യമായാല്‍ മെച്ചപ്പെട്ട നിരക്ക് ലഭിക്കുമെന്ന പ്രതീക്ഷയില്‍ യുഎഇയിലെ നിരവധി പ്രവാസികള്‍ നാട്ടിലേക്ക് പണമയ്ക്കാന്‍ കാത്തിരിക്കുകയായിരുന്നു. എന്നാല്‍ ഇപ്പോള്‍ താരിഫ് സ്ഥിരീകരിച്ചതോടെ, നിലവിലെ ഇടിവിന്റെ ഏറ്റവും ഉയര്‍ന്ന നിലയായിരിക്കാമെന്ന് കറന്‍സി വിശകലന വിദഗ്ധര്‍ പറയുന്നു. 'നിങ്ങള്‍ നാട്ടിലേക്ക് പണമയ്ക്കാന്‍ മികച്ച നിമിഷത്തിനായി കാത്തിരിക്കുകയാണെങ്കില്‍, ഇത് ആകാമത്, ഈ കുതിച്ചുചാട്ടങ്ങള്‍ അധികകാലം നിലനില്‍ക്കാന്‍ സാധ്യതയില്ല.' എന്ന് ഫോറെക്‌സ് അഡൈ്വസറെ ഉദ്ധരിച്ച് ദുബൈ മാധ്യമം റിപ്പോര്‍ട്ട് ചെയ്യുന്നു.