ന്യൂഡല്‍ഹി: രാജ്യത്തെ ട്രെയിന്‍ യാത്രാനിരക്കില്‍ വര്‍ധനവ് പ്രഖ്യാപിച്ചു. പുതുക്കിയ നിരക്കുകള്‍ ഡിസംബര്‍ 26 മുതല്‍ പ്രാബല്യത്തില്‍ വരും.

പ്രധാന മാറ്റങ്ങള്‍

- സബര്‍ബന്‍ ട്രെയിനുകളിലെ യാത്ര നിരക്കില്‍ മാറ്റമില്ല.

- ദീര്‍ഘദൂര യാത്രകള്‍ക്കാണ് നിരക്ക് വര്‍ധിക്കുന്നത്.

- ഓര്‍ഡിനറി ക്ലാസുകള്‍ക്ക് കിലോമീറ്ററിന് 1 പൈസയും എസി കോച്ചുകള്‍ക്ക് കിലോമീറ്ററിന് 2 പൈസയും വര്‍ധിപ്പിച്ചു.

- 215 കിലോമീറ്റര്‍ വരെ യാത്ര ചെയ്യുന്നവര്‍ക്ക് നിരക്ക് ബാധകമല്ല.

വരുമാന ലക്ഷ്യം

- 600 കോടി രൂപയുടെ അധികവരുമാനമാണ് റെയില്‍വേ ലക്ഷ്യമിടുന്നത്.

ചെലവിന്റെ പശ്ചാത്തലം

- ജീവനക്കാരുടെ ശമ്പളത്തിനായി മാത്രം 1,15,000 കോടി രൂപ ചെലവഴിക്കുന്നു.

- പെന്‍ഷന്‍ ചെലവ് 60,000 കോടി രൂപയായി ഉയര്‍ന്നു.

- 2024-25 സാമ്പത്തിക വര്‍ഷത്തില്‍ റെയില്‍വേയുടെ ആകെ പ്രവര്‍ത്തന ചെലവ് 2,63,000 കോടി രൂപയായി.

റെയില്‍വേയുടെ വിശദീകരണം

- പ്രവര്‍ത്തന ചെലവിലെ വന്‍ വര്‍ധനയാണ് നിരക്ക് പരിഷ്‌കരണത്തിന് പ്രധാന കാരണം.

- ചരക്ക് നീക്കം വര്‍ധിപ്പിക്കുന്നതിനൊപ്പം യാത്രാനിരക്കുകളില്‍ ചെറിയ തോതിലുള്ള മാറ്റങ്ങള്‍ വരുത്തുകയല്ലാതെ മറ്റ് മാര്‍ഗ്ഗങ്ങളില്ലെന്ന് റെയില്‍വേ പ്രസ്താവനയില്‍ വ്യക്തമാക്കി