കോഴിക്കോട്: ഇന്സ്റ്റഗ്രാം റീലിലൂടെയുള്ള ലൈംഗികാതിക്രമ ആരോപണത്തെ തുടര്ന്ന് കോഴിക്കോട് ഗോവിന്ദപുരം സ്വദേശി ദീപക് ജീവനൊടുക്കിയ കേസില് പ്രതി ഷിംജിത മുസ്തഫയ്ക്കെതിരെ പൊലീസ് ലുക്കൗട്ട് നോട്ടീസ് പുറത്തിറക്കി. വടകര സ്വദേശിയായ ഷിംജിത നിലവില് ഒളിവിലാണ്. വിദേശത്തേക്ക് കടക്കാനുള്ള സാധ്യത കണക്കിലെടുത്താണ് നടപടി. ഇവര് മംഗലൂരുവിലേക്ക് കടന്നുവെന്ന വിവരത്തെ തുടര്ന്ന് അന്വേഷണം ഊര്ജിതമാക്കിയിരിക്കുകയാണ് പൊലീസ്.
കേസിന്റെ പശ്ചാത്തലം
- ഡിസംബര് 19ന് യുവതിയുടെ മൊഴി പൊലീസ് രേഖപ്പെടുത്തിയിരുന്നു. പിന്നാലെ യുവതി ഒളിവില് പോയി.
- മുന്കൂര് ജാമ്യം തേടി യുവതി കോഴിക്കോട് ജില്ലാ കോടതിയെ സമീപിച്ചു.
- കേസിലെ പ്രധാന തെളിവായ ദീപക്കിന്റെ ദൃശ്യങ്ങള് ചിത്രീകരിച്ച മൊബൈല് ഫോണ് പൊലീസ് കണ്ടെത്തേണ്ടതുണ്ട്.
പൊലീസ് നടപടി
- ഷിംജിതയ്ക്കെതിരെ ആത്മഹത്യാ പ്രേരണക്കുറ്റം ചുമത്തി കേസ് എടുത്തു.
- ദീപക്കിന്റെ അമ്മ നല്കിയ പരാതിയിലാണ് കേസ് രജിസ്റ്റര് ചെയ്തത്.
- മെഡിക്കല് കോളജ് പൊലീസ് ദീപക്കിന്റെ മാതാപിതാക്കളുടെയും സഹോദരന്റെയും മൊഴി രേഖപ്പെടുത്തി.
- ദീപക്കിന്റെ സുഹൃത്തിന്റെ മൊഴിയും പൊലീസ് ശേഖരിച്ചു.
തെളിവുകള്
- യുവതി വീഡിയോ ചിത്രീകരിച്ച ബസിലെ സിസിടിവി ദൃശ്യങ്ങള് പൊലീസ് ശേഖരിച്ചു.
- ദൃശ്യങ്ങളില് തിരക്കേറിയ ബസ് മാത്രമാണ് കാണുന്നത്.
- സോഷ്യല് മീഡിയയില് പങ്കുവച്ച വീഡിയോ എഡിറ്റ് ചെയ്തതാണെന്ന് പൊലീസ് കണ്ടെത്തി.
- വീഡിയോയുടെ പൂര്ണരൂപം വീണ്ടെടുക്കാന് സൈബര് സെല്ലിന്റെ സഹായം തേടും.
- യുവതിയുടെ ഫോണ് കണ്ടെത്താനുള്ള ശ്രമം തുടരുന്നു.
ബസ് ദൃശ്യങ്ങള്
- പയ്യന്നൂര് റെയില്വേ സ്റ്റേഷന് വഴി സര്വീസ് നടത്തുന്ന അല് അമീന് ബസിലാണ് വീഡിയോ ചിത്രീകരിച്ചത്.
- കേസ് രജിസ്റ്റര് ചെയ്ത ഉടന് പൊലീസ് ബസ് ഉടമയെ ബന്ധപ്പെട്ടു ദൃശ്യങ്ങള് സൂക്ഷിക്കാന് നിര്ദേശിച്ചു.
- മെഡിക്കല് കോളജ് പൊലീസ് സിസിടിവി ഹാര്ഡ് ഡിസ്ക് കസ്റ്റഡിയിലെടുത്തു.
- ഇരുവരും ബസില് കയറിയ ദൃശ്യങ്ങള് ലഭ്യമായി.
- കണ്ടക്ടറും ഡ്രൈവറും സംഭവത്തെക്കുറിച്ച് അറിവില്ലെന്ന് മൊഴി നല്കി.
- ബസ് സ്റ്റാന്ഡിലെ പൊലീസ് എയ്ഡ് പോസ്റ്റിലും യുവതി പരാതിപ്പെട്ടിരുന്നില്ല.
റെയില്വേ സ്റ്റേഷന് ബസ് സ്റ്റോപ്പില് ദീപക് മുന്വശത്തെ വാതിലിലൂടെയും ഷിംജിത പിന്വശത്തെ വാതിലിലൂടെയും കയറുന്ന ദൃശ്യങ്ങളാണ് ലഭിച്ചതെന്ന് പൊലീസ് അറിയിച്ചു
