കൊച്ചി: ശബരിമല ആക്ടിവിസം കാണിക്കാനുള്ള സ്ഥലമല്ലെന്നും, വിശ്വാസി സമൂഹത്തിന്റെ താല്പര്യം സംരക്ഷിച്ചുകൊണ്ടാണ് സര്ക്കാര് സുപ്രീംകോടതിയില് സത്യവാങ്മൂലം നല്കുന്നതെന്നും മന്ത്രി വി.എന്. വാസവന് വ്യക്തമാക്കി. മുന് ദേവസ്വം മന്ത്രി കടകംപള്ളി പറഞ്ഞത് ശരിയാണെന്നും, പൊതുവായ നിലപാടാണ് സ്വീകരിക്കേണ്ടതെന്നും അദ്ദേഹം കൂട്ടിച്ചേര്ത്തു.
മന്ത്രിയുടെ പ്രതികരണം
- തന്ത്രി അറിയാതെ ശബരിമലയില് ഒന്നും നഷ്ടമാകില്ലെന്നും, സാമാന്യബുദ്ധിയുള്ളവര്ക്ക് ഇത് മനസ്സിലാക്കാനാകുമെന്നും മന്ത്രി പറഞ്ഞു.
- 'ശബരിമലയില് സ്വര്ണം മാറ്റണമെങ്കില് പോലും തന്ത്രിയുടെ അറിവില്ലാതെ സാധിക്കില്ല. അത് എല്ലാവരും മനസിലാക്കി വയ്ക്കണം,' എന്നും അദ്ദേഹം വ്യക്തമാക്കി.
- നിയമമന്ത്രി, മുഖ്യമന്ത്രി എന്നിവര് നേരത്തെ തന്നെ വിശ്വാസി സമൂഹത്തിന്റെ താല്പര്യങ്ങളില് നിന്ന് വ്യതിചലിച്ചുകൊണ്ടുള്ള തീരുമാനമൊന്നും ഉണ്ടാകില്ലെന്ന് വ്യക്തമാക്കിയിരുന്നു.
ഉത്സവകാല നടപടികള്
ഉത്സവകാലത്ത് ഒരാചാരാനുഷ്ഠാനവും ലംഘിക്കപ്പെടാതെ നടപടികള് സ്വീകരിച്ചിട്ടുണ്ടെന്നും, വിശ്വാസികളുടെ മതപരമായ വികാരങ്ങള് സംരക്ഷിക്കപ്പെടുമെന്നും മന്ത്രി ഉറപ്പുനല്കി
