തിരുവനന്തപുരം: തിരുവനന്തപുരം ജില്ലാ പഞ്ചായത്ത് തെരഞ്ഞെടുപ്പിനായുള്ള സ്ഥാനാര്ഥികളുടെ രണ്ടാംഘട്ട പട്ടിക കോണ്ഗ്രസ് പുറത്തുവിട്ടു. 13 പേരെയാണ് പുതുതായി പ്രഖ്യാപിച്ചത്. നേരത്തെ 12 സ്ഥാനാര്ഥികളെ പ്രഖ്യാപിച്ചിരുന്നു.
- പോത്തന്കോട് ഡിവിഷനില് ട്രാന്സ്ജെന്ഡര് വിഭാഗത്തില് നിന്നുള്ള അമേയ പ്രസാദ് യുഡിഎഫ് സ്ഥാനാര്ഥിയായി മത്സരിക്കും.
- നാവായിക്കുളം ഡിവിഷനില് ആര്എസ്പിയും കണിയാപുരത്ത് മുസ്ലിം ലീഗും സ്ഥാനാര്ഥികളെ ഇറക്കും.
- കെഎസ്യു ജില്ലാ പ്രസിഡന്റ് ഗോപു നയ്യാര് പൂവച്ചല് വാര്ഡില് നിന്ന് ജനവിധി തേടും.
- ഡിസിസി വൈസ് പ്രസിഡന്റും മുന് യൂത്ത് കോണ്ഗ്രസ് ജില്ലാ പ്രസിഡന്റുമായ സുധീര്ഷാ പാലോട് കല്ലറയില് നിന്ന് മത്സരിക്കും.
