ബ്രസീലിയ: ഡെങ്കിപ്പനിക്കെതിരായ ലോകത്തിലെ ആദ്യത്തെ സിംഗിള്‍ ഡോസ് വാക്‌സിന് ബ്രസീല്‍ അംഗീകാരം നല്‍കി. ബ്രസീലിയന്‍ ആരോഗ്യ നിയന്ത്രണ ഏജന്‍സിയായ ANVISAയുടെ കീഴിലുള്ള സാവോ പോളോയിലെ ബുട്ടന്റാന്‍ ഇന്‍സ്റ്റിറ്റ്യൂട്ട് വികസിപ്പിച്ച Butantan-DV വാക്‌സിനാണ് അംഗീകാരം ലഭിച്ചത്.

- നിലവില്‍ ഉപയോഗിക്കുന്ന TAK-003 വാക്‌സിന് മൂന്ന് മാസത്തെ ഇടവേളയില്‍ രണ്ട് ഡോസുകള്‍ ആവശ്യമാണ്.

- പുതിയ Butantan-DV വാക്‌സിന്‍ ഒരു ഡോസില്‍ തന്നെ രോഗത്തെ ഫലപ്രദമായി ചെറുക്കുമെന്ന് ഇന്‍സ്റ്റിറ്റ്യൂട്ട് ഡയറക്ടര്‍ എസ്പര്‍ കല്ലാസ് വ്യക്തമാക്കി.

- 16,000-ത്തിലധികം സന്നദ്ധപ്രവര്‍ത്തകരെ ഉള്‍പ്പെടുത്തി എട്ട് വര്‍ഷം നീണ്ട ക്ലിനിക്കല്‍ പരീക്ഷണങ്ങള്‍ക്കുശേഷമാണ് വാക്‌സിന് സാധാരണക്കാരിലേക്ക് എത്തുന്നത്.

- 91.6 ശതമാനം ഫലപ്രാപ്തി തെളിയിച്ചതായും ഗവേഷകര്‍ അറിയിച്ചു.

- 12 മുതല്‍ 59 വയസുവരെയുള്ളവര്‍ക്ക് വാക്‌സിന്‍ ഉപയോഗിക്കാം.

ആഗോള പശ്ചാത്തലം

- 'ബ്രേക്ക്‌ബോണ്‍ ഫിവര്‍' എന്നറിയപ്പെടുന്ന ഡെങ്കിപ്പനി ഈഡിസ് കൊതുകുകള്‍ വഴിയാണ് പകരുന്നത്.

- 2024-ല്‍ ലോകമെമ്പാടും 1.46 കോടിയിലധികം ആളുകളെ രോഗം ബാധിച്ചു.

- ഏകദേശം 12,000 മരണങ്ങളും റിപ്പോര്‍ട്ട് ചെയ്തിരുന്നു.

വിപണിയിലെത്തുന്ന സമയം

- 2026 അവസാനത്തോടെ പുതിയ വാക്‌സിന് വിപണിയിലെത്തിക്കുന്നതിന് ചൈനീസ് കമ്പനിയായ വുക്‌സി ബയോളജിക്‌സ്യുമായി ബ്രസീല്‍ കരാറില്‍ ഏര്‍പ്പെട്ടിട്ടുണ്ടെന്ന് അധികൃതര്‍ അറിയിച്ചു.



എന്താണ് ഡെങ്കിപ്പനി

- വൈറസ് രോഗം: ഈഡിസ് ഈജിപ്‌റ്റെ കൊതുകുകള്‍ വഴിയാണ് പകരുന്നത്.

- ആദ്യ ലക്ഷണങ്ങള്‍: പനി, ഛര്‍ദ്ദി, തലവേദന, ചെവി വേദന, ശരീര വേദന, ശരീരത്തില്‍ തിണര്‍പ്പുകള്‍, അതിസാരം.

- കുട്ടികളില്‍: മുതിര്‍ന്നവരെ അപേക്ഷിച്ച് ലക്ഷണങ്ങള്‍ കൂടുതല്‍ പ്രകടമാകും.

- തീവ്രാവസ്ഥ: നിരന്തര ഛര്‍ദ്ദി, വയര്‍ വേദന, മൂക്കിലും വായിലും രക്തസ്രാവം, ക്ഷീണം, ഭക്ഷണം കഴിക്കാത്ത അവസ്ഥ.

- ഇന്‍ക്യൂബേഷന്‍ കാലം: രോഗാണു ശരീരത്തില്‍ പ്രവേശിച്ചാല്‍ 2-7 ദിവസത്തിനകം ലക്ഷണങ്ങള്‍ പ്രകടമാകും.

പുതിയ വാക്‌സിന്റെ അംഗീകാരം ഡെങ്കിപ്പനിക്കെതിരായ ആഗോള പോരാട്ടത്തില്‍ വലിയ മുന്നേറ്റമായി കണക്കാക്കപ്പെടുന്നു.