Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Sat 21st Nov 2026
 
 
വാര്‍ത്തകള്‍
  Add your Comment comment
പേരാവൂരില്‍ സ്ത്രീശക്തി ലോട്ടറി ടിക്കറ്റ് തട്ടിയെടുത്ത സംഭവം: ഒരാള്‍ പൊലീസ് പിടിയില്‍
reporter

കണ്ണൂര്‍: ഒരു കോടി രൂപയുടെ സ്ത്രീശക്തി ലോട്ടറി ടിക്കറ്റ് തട്ടിയെടുത്ത സംഭവത്തില്‍ പേരാവൂര്‍ സ്വദേശി സാദിഖ് പരാതിയുമായി രംഗത്തെത്തി. ടിക്കറ്റ് ബ്ലാക്കില്‍ വില്‍ക്കാന്‍ ശ്രമിക്കുന്നതിനിടെ ഓള്‍ട്ടോ കാറില്‍ എത്തിയ സംഘം ടിക്കറ്റ് തട്ടിയെടുത്തുവെന്നാണ് പരാതി.

സംഘത്തില്‍പ്പെട്ട ഒരാളെ പേരാവൂര്‍ പൊലീസ് പിടികൂടി. ചാക്കാട് സ്വദേശി ഷുഹൈബിനെയാണ് അറസ്റ്റ് ചെയ്തത്. ഇയാള്‍ മുന്‍പും തട്ടിപ്പ് കേസുകളില്‍ പ്രതിയാണെന്ന് പൊലീസ് അറിയിച്ചു.

ഡിസംബര്‍ 30-ന് അടിച്ച ടിക്കറ്റാണ് സാദിഖ് വില്‍ക്കാന്‍ ശ്രമിച്ചത്. പേരാവൂര്‍ അക്കരമ്മലില്‍ സുഹൃത്തിനൊപ്പം ടിക്കറ്റ് കൈമാറാന്‍ എത്തിയപ്പോഴാണ് സംഭവം. സംഘം ടിക്കറ്റ് തട്ടിയെടുത്തതിന് പിന്നാലെ സുഹൃത്തിനെ വാനില്‍ ബലം പ്രയോഗിച്ച് കയറ്റി തട്ടിക്കൊണ്ടുപോയി. പിന്നീട് മറ്റൊരിടത്ത് ഉപേക്ഷിച്ച ശേഷമാണ് സംഘം രക്ഷപ്പെട്ടത്.

സ്ത്രീശക്തി ലോട്ടറി നറുക്കെടുപ്പ് എല്ലാ ചൊവ്വാഴ്ചയും ഉച്ചയ്ക്ക് മൂന്ന് മണിക്ക് നടക്കുന്നു. ഒന്നാം സമ്മാനമായി ഒരു കോടി രൂപ, രണ്ടാം സമ്മാനമായി 30 ലക്ഷം രൂപ, മൂന്നാം സമ്മാനമായി അഞ്ച് ലക്ഷം രൂപ ലഭിക്കും. പേരാവൂരില്‍ ലൈറ്റ് ആന്‍ഡ് സൗണ്ട് ഷോപ്പ് നടത്തുന്നയാളാണ് സാദിഖ്.

ബുധനാഴ്ച രാത്രി ഒന്‍പതു മണിയോടെയാണ് സംഭവം നടന്നത്. ഇടനിലക്കാരന്‍ മുഖേനയാണ് സംഘം സാദിഖുമായി ബന്ധപ്പെടുകയും, മുഴുവന്‍ തുകയും നല്‍കാമെന്ന കരാറില്‍ എത്തുകയും ചെയ്തത്. എന്നാല്‍ ഫലപ്രഖ്യാപനവുമായി ഒത്തുനോക്കി സംഘം തോക്കുചൂണ്ടി ഭീഷണിപ്പെടുത്തി സുഹൃത്തിനെ കാറില്‍ കയറ്റി കൊണ്ടുപോയി. പിടിവലിക്കിടെയാണ് ഇയാളെ റോഡരികില്‍ ഉപേക്ഷിച്ചത്.

പ്രതികളില്‍ ഒരാളായ ശിഹാബിനെ പൊലീസ് പിടികൂടിയെങ്കിലും തട്ടിയെടുത്ത ലോട്ടറി ടിക്കറ്റ് ഇതുവരെ കണ്ടെത്താനായിട്ടില്ല

 
Other News in this category

 
 




 
Close Window